Beretta

 

Kailh houarn a veze tennet deus Val Trompia, un draoñienn e proviñs Brescia (Lombardia) abaoe mare Impalaeriezh Roma. Brudet e oa al lec'h er Grennamzer evit e c'hovelioù. Goude an Azginivelezh e teuas da vezañ ur greizenn broduiñ armoù a bouez. E-kreiz ar XVIvet kantved e oa daou-ugent govel eno, pourvezet gant pemzek mengleuz hag eizh teuzerezh. Eno e oa ganet Beretta, e kêriadenn Gardone.^[2]

Ar c'hovel Beretta a zo anezhi abaoe deroù ar XVIvet kantved. Roud a zo eus ur fakturenn sinet d'an 3 a viz Here 1526 gant ar maestro di canne (mestr kanolier) Bartolomeo Beretta evit Republik Venezia evit 185 kanol akebut, 296 dugad o friz.^[3]

E 1571 e c'hounez ar C'hevread Santel emgann Lepanto a-drugarez da ganolioù produet e traoñienn Gardone^[4]. Kreskiñ a ra tamm-ha-tamm brud ar familh Beretta. E 1640 e kinnig Giovani Antonio Beretta ur c'hanol da gargañ dre e gulasenn da Republik Venezia, met daoust d'e vodernelezh eo re ger an arm nevez da vezañ produet a-rummadoù. E fin ar XVIIvet kantved e oa deuet Beretta da vezañ an eil produer kanolioù brasañ e Gardone^[2]. E 1730 emañ ar familh Beretta produerien vrasañ kanolioù Norzh Italia. Redek a ra dour da vilin ar familh d'ar c'houlz-se : da skouer e c'houlenn gante Republik Napoli produiñ 12.000 fuzuilh, o baionetez hag 20.000 pistolenn. E 1760 e c'houlenn Republik Venezia 20.000 fuzuilh digant Beretta ha Giovani Batista, ur produour all eus ar memes rannvro. E deroù an XIXvet kantved e pourvez Beretta armeoù Napoleon Iañ gant armoù-tan, met fin an Impalaeriezh (1815) a lak kalz labouradegoù armoù da vont da get. Treuzvevañ a ra an embregerezh ha roet e vez dezhañ e anv a-vremañ, Fabbrica d'Armi Pietro Beretta. Chom a ra etre daouarn ar memes familh a glask bepred diorren anezhañ en ur vodernizaat an aliesañ ar gwellañ an armoù kinniget hag an ostilhoù hag an teknikoù d'o froduiñ. Adalek 1870 e krog an embregerezh da labourat war daou dakad disheñvel, an armoù brezel eus un tu, hag ar fuzuilhoù chase eus an tu all.^[4]

 

E 1918 e voe implijet gant arme Italia ar Beretta Model 1918, unan eus ar pistolennoù-mindrailher kentañ er bed. En Eil Brezel-bed e produas Beretta armoù-skoaz hag armoù-dorn evit arme Italia betek harz-brezel 1943. Diwar neuze e voe seizet an embregerezh gant an Alamaned ha produet armoù evite betek 1945.

Goude an Eil Brezel-bed e labouras Beretta war dresañ ha kempenn ar fuzuilhoù M1 Garand roet da arme Italia gant Stadoù-Unanet Amerika. An adstumm Beretta BM-59 a voe savet diwarne.

Er bloavezhioù 1980 e krogas Beretta da vezañ brudet en SUA pa voe choazet e bistolenn Beretta 92 evel arm servij an United States Army dindan an anv M9. Savet e voe ar strollad Beretta Firearms USA evit produiñ ha gwerzhañ armoù-tan eno. E 2014 e oa bet gwerzhet 600.000 pistolenn M9 da arme SUA^[5].

Adalek fin ar bloavezhioù 1980 e krogas Beretta da brenañ embregerezhioù armoù italian (Benelli, Franchi) hag european. Bodet eo bremañ an holl embregerezhioù-se er strollad Beretta Holding. Perzh eo Beretta eus an Hénokiens, ur strollad embregerezhioù a zo bet savet daou gantved zo da nebeutañ ha perc'hennet gant ar memes familh abaoe.

 

• Beretta M1915 / Beretta M1923
• Beretta 318
• Beretta 418
• Beretta M1934 / Beretta M1935
• Beretta 951
  • Beretta 1951-A
  • Beretta 951/57
  • Beretta 952
• Beretta 70
  • Beretta 71 Jaguar
  • Beretta 72 Jaguar
  • Beretta 73, 74, 75
  • Beretta 76
  • Beretta 100, 101, 102
• Beretta Cheetah
  • Beretta 81
  • Beretta 84
  • Beretta 85
  • Beretta 86
  • Beretta 87
  • Beretta 89
• Beretta 8000
  • Beretta 8000 Cougar
  • Beretta 8045 Cougar
  • Beretta Cougar Inox
  • Beretta Mini Cougar
• Beretta 90
• Beretta 9000
  • Beretta 9000S

• Beretta 92
  • Beretta 90two
  • Beretta 92F
  • Beretta 92F/FS
  • Beretta 92FS Inox
    • Beretta 92FS Compact
    • Beretta 92FS Centurion
    • Beretta 92FS Brigadier
    • Beretta 92FS Brigadier Inox
  • Beretta 92G Elite 1A
    • Beretta 92G Elite II
  • Beretta 92S
    • Beretta 92SB
      • Beretta 92SB-C
  • Beretta 92A1
  • M9 pistol
  • Beretta 92X
• Beretta 96
  • Beretta 96A1
• Beretta Px4 Storm
  • Beretta Px4 Storm Compact
  • Beretta Px4 Storm Subcompact

     

• Beretta U22 Neos
• Beretta APX
• Beretta 21 Bobcat
  • Beretta 21A Bobcat
• Beretta 3032 Tomcat
• Beretta 950 Jetfire
• Beretta Nano
• Beretta Pico

• Beretta Stampede
• Beretta Laramie

• Beretta 1200
• Beretta 1200 FP
• Beretta 1201
• Beretta 1201FP
• Beretta AL390
• Beretta AL391 Urika ha Teknys
• Beretta Tx4
  • Beretta Tx4 Storm
• Beretta 1301
  • Beretta 1301 Comp
  • Beretta 1301 Tactical
• Beretta A400
  • Beretta A400 Xcel
  • Beretta A400 Xtreme Unico
  • Beretta A400 Xtreme Plus
  • Beretta A400 Xplor Action
• Beretta A 300 Outlander
• Beretta A 350 Outlander
• Beretta SO4, SO5 hag SO6
• Beretta Xtrema
• Beretta Xtrema 2
• Beretta Model A series
• Beretta UGB25 Xcel
• Beretta Folder
• Beretta Ultraleggero
• Beretta Urika
• Beretta Urika 2
• Beretta RS 202-M2
• Beretta LTLX7000
• Beretta 470 Silver Hawk
• Beretta 682
• Beretta 692
• Beretta DT-10
• Beretta DT-11
• Beretta Silver Pigeon
• Beretta Bellmonte Due

• Beretta BM-59
• Beretta 501 (fuzuilh sport)
• Beretta Rx4 Storm
• Beretta Cx4 Storm
• Beretta BRX1

 

• Beretta AR70/90
• Beretta AS70/90
• Beretta AR-70/223
• Beretta ARX 160
• Beretta ARX 200

• Beretta M1918
• Beretta M1938 hag hec'h adstummoù (38/42, 38/44, Modello 3 hag all)
• Beretta M12 series
• Beretta PMX
• Beretta Mx4 Storm
• Beretta M951R
• Beretta 93R (pistolenn aotomatek)

• Beretta GLX-160 (bannerezed-greunadennoù iskanol evit ar Beretta ARX160)