.44 Russian
Ar .44 Russian, anvet ivez .44 S&W Russian, zo ur munision armoù-dorn ennañ poultr du savet gant an embregerezh stadunanat Smith & Wesson e 1870. Ijinet e voe diwar c'houlenn Alexander Gorloff, ur c'hannad rusian er Stadoù-Unanet, a varc'hatae evit sinañ ur gevrat da bourvezañ arme Impalaeriezh Rusia gant revolverioù Smith & Wesson Model 3, hep bezañ kendrec'het gant perzhioù teknikel 'zo eus ar gartouchenn .44 S&W orin a gaved en arm koulskoude. Ur wech kemmet ar gartouchenn ha krouet ar .44 Russian e voe gwerzhet 131.000 skouerenn eus ar revolver da Rusia[1]. Betek donedigezh ar .44 Special deveret anezhi e 1907 e oa ar gartouchenn c'halloudus prizietañ evit an armoù-dorn er Stadoù-Unanet[2].
| .44 Russian | |
|---|---|
 Ur gartouchenn .44 Russian | |
| Perzhioù | |
| Kalibr | .44 |
| Doare korf an douilhez | bourled |
| Doare skeiñ | e-kreiz |
| Bro orin |  Stadoù-Unanet Amerika
|
| Muzulioù | |
| Ø bannadell | 10,9 mm |
| Ø kolier | 11,6 mm |
| Ø korf an douilhez | 11,6 mm |
| Ø strad | 13,1 mm |
| Tevder ar strad | 1,5 mm |
| Hirder an douilhez | 24,6 mm |
| Hirder ar gartouchenn | 36 mm |
| Perzhioù all | |
| Pouez ar vannadell | 16 g |
| Tizh mont e-maez V0 | 230 m/s |
| Energiezh ar vannadell | 420 J |
| Lezenn | |
| Rummad e Bro-C'hall | C |
Daveennoù
kemmañ- ↑ (en) Tuolumne Lawman, Smith & Wesson's #3, Colt's Biggest Rival in the Old West, diellet (lennet d'ar 24/08/2024)
- ↑ (en) MUSHIAL Gregory J., 44 S&W Russian (lennet d'ar 24/08/2024)
- taolenn ar munision war lodenn TDCC lec'hienn ar CIP