Zimri

Hervez Kentañ Levr ar Rouaned e voe Zimri roue Israel e-pad seizh devezh e 885 KJK.

Unan eus ofisourien uhel arme ar roue Ela oa. Itrikañ a reas enep ar roue. Lazhañ a reas anezhañ hag e diegezh (diskennidi Baasha. Kemer a reas ar galloud e Tirsa (kêr-benn Israel d'ar mare-se).

Pa ouezas ar c'heloù ar soudarded a oa o dirak Gibeton unan eus kêrioù Felishtiz, e voe dibabet ganto Omri, jeneral an arme, evel roue.

« Hag e pignas Omri, hag holl Israel gantañ, eus Gibeton da ober seziz Tirsa. Pa welas Zimri e oa tapet kêr, ez eas e tour-meur ti ar roue, hag e têvas warnañ ti ar roue, en tangwall, hag e varvas[...]^[1].