Sentidigezh

Ar sentidigezh a zo stad un den a sent, ne vern an abeg. Ar senterezh eo an ober.

Abegoù zo d'ar sentidigezh

• aon rak un den pe un nerzh bennak (hini ar stad, an arme)
• levezon degemeret pe dibabet (hini ar stad, pe ar relijion, pe ar reolenn, pe lezennoù ar gevredigezh).

Dre ar sentidigezh e vez displeget gant lod lazhadegoù evel hini ar Yuzevien (displegadur Adolf Eichmann e oa) pe hini My Lai e Viet Nam, pe ar jahinerezh en Aljeria .

Sentiñ zo unan eus reolennoù an urzhioù relijiel katolik.

Nac'h sentiñ a ra an arbennourien (pe objektourien). D'ar mare ma veze ret d'ar baotred monet d'an arme e voe nac'het sentiñ ouzh ar stad gant lod anezho. E Breizh e oa bet anavezet afer daou arbennour, Bernez Korbel ha Herve Kerrain, a nac'has plegañ d'an arme ha komz galleg dirak ar varnerien.

Muioc'h a restroù diwar-benn

Sentidigezh

a vo kavet e Wikimedia Commons.