Breizh Vev
Breizh Vev pe ziagent Kevredad evit studiañ ha gwareziñ an natur e Breizh (SEPNB) a zo kevredigezh pennañ Breizh o labourat war dachenn an endro.
Orinoù Breizh Vev a gaver e Kelc'hioù douaroniel ha naturalour Penn-ar-Bed, krouet e 1953 gant Marcel Gautier, Michel-Hervé Julien hag Albert Lucas. E 1958 e tibabjont krouiñ an SEPNB (Société pour l'étude et la protection de la nature en Bretagne - Kevredigezh evit studiañ ha gwareziñ an natur e Breizh) hag a gemero tamm-ha-tamm plas ar gevredigezh kentañ.
Buan-tre e tiorroas an SEPNB, evit tizhout 2500 ezel e 1967. Pennañ kevredigezh gwareziñ an natur eo er Stad C'hall.
Ur pouez bras he deus bet ar gevredigezh-se e Breizh evit krouiñ un emskiant eus kudennoù an natur hag an endro.
Kemer a ra perzh ivez dibaoe fin ar bloavezhioù 1960 er stourmoù ekologel:
- A-enep d'al lanvioù du : Torrey Canyon, Amoco Cadiz, Tanio, Erika, h.a.
- A-enep d'ar raktresoù kreizennoù nukleel e Breizh : An Ardeven, Plonger, Pentelloù, Plogo, h.a.
Krouiñ ha merañ a ra ivez tachennoù gwareziñ an natur.
Prezidanted
[kemmañ | kemmañ ar vammenn]- 1953-1959 : Marcel Gautier
- 1959-1966 : Robert Lami
- 1966-1973 : Albert Lucas
- 1973-1976 : André Guilcher
- 1976-1978 : Yves Le Gal
- 1978-1981 : Jean-Claude Demaure
- 1981-1984 : Jean-Yves Monnat
- 1984-1988 : Jean Salaün
- 1988-1990 : Maurice Le Démézet
- 1990-1991 : Jean Salaün
- 1991-1994 : Bernard Guillemot
- 1994-1996 : Raymond Sibileau
- 1996-1999 : Bernard Guillemot
- 1999-2002 : Jacques Ros
- 2002-2003 : Ivan Théry
- 2003- : Bernard Guillemot
- 2012- : Jean-Luc Toullec
Sekretourien veur
[kemmañ | kemmañ ar vammenn]- 1959-1966 : Michel-Hervé Julien
- 1966-1973 : Jean Didier
- 1973-1981 : Maurice Le Démézet
- 1981-1998 : Max Jonin
- 1998- : François de Beaulieu
- 2012- : Laurent Duperrin
Levrlennadur
[kemmañ | kemmañ ar vammenn]- Le Démézet (Maurice), Maresca (Bruno), La protection de la nature en Bretagne. La SEPNB (1953-2003), Roazhon, PUR, 2003.