Mykonos

Mykonos (Μύκονος e gresianeg; Myconus e latin) zo un enezenn eus Enezeg ar C'hikladez e kreiz Mor Egea, etre Tinos (e gwalarn), Syros (er Kornôg), Paros (e mervent) ha Naksos (e su). 86 km² zo dezhi, ha n'eo ket uheloc'h eget 364 m. Greunvaenek eo an douar, ha kras. 6.200 a dud a oa e 2002. Kêr Mikonos eo ar gêr vrasañ er c'hornog.

Da gentañ e teue tud di a-benn mont alese da weladenniñ monumantoù Delos, e-kichenik. Bremañ e vez gweladennet gant touristed a bep bro.

Kaer eo an traezhennoù ha birvidik ar vuhez e-pad an noz. Al lec'h hañviñ brudetañ eus Gres eo, un tamm evel Eivissa, pe Sant-Tropez e broioù arall.

Eno e voe emgannoù bras etre Zeus hag ar Ramzed. Trevadennet e voe an enez gant Aten.

Ar vuhez diouzh an noz e Mykonos zo brudet da vezañ eus ar re virvidikañ en a c'haller kavout Europa a-hervez. Emañ an enezenn e-touez al lec'hioù darempredet ar muiañ gant a re a blij dezhe ar boestoù-noz diouzh ar c'hiz, evel en Ibiza, Ayia Napa ha Rimini. Tro a vefe da welet eno DJed e-touez ar re vrudetañ en Europa er c'hluboù hag en tavarnioù-aod. Gallout a reer menegiñ en o mesk ar Paradise, ar Super Paradise hag ar Paranga. En em gavout a ra ur gumuniezh heñvelrevidi bras-a-walc'h eno e-pad an hañv hag un niver bras a davarnioù paotretaerien a gaver ivez.

Ar vuhez diouzh an noz e Mikonos a zo diazezet war obererezh an tavarnioù muioc'h evit war hini ar boestoù-noz, Daoust da se e c'haller kavout boestoù-noz a-feson niverus a-walc'h en enezenn.

• Mykonos Tour

• 
  Pelikan o weladenniñ Mikonos
• 
  Porched e Mikonos