HK G36
| Heckler & Koch HK G36 | |
|---|---|
 Ur fuzuilh-arsailh Heckler & Koch HK G36 | |
| Kinnig | |
| Bro |  Alamagn
|
| Doare | Fuzuilh-arsailh aotomatek / damaotomatek |
| Mont en-dro | Tenneta dre amprest-gazoù, dre biston |
| Munisionoù | 5,56 × 45 mm NATO |
| Produer | Heckler & Koch |
| Mare produiñ | Abaoe 1990 |
| Mare implij | Abaoe 1995 |
| Pouez ha muzulioù | |
| Mas (hep kartouchenn) | 3,63 kg |
| Hirder | 999 mm (lamm dibleget) 758 mm (lamm pleget) |
| Hirder ar c'hanol | 480 mm |
| Perzhioù all | |
| Hed-tenn pleustrek | 600 m |
| Lusk-tennañ | 750 tenn/mn |
| Tizh mont e-maez ar boledoù | 920 m/s |
| Endalc'h | Karger-fiñv eeun 30 kartouchenn Karger-fiñv ront 100 kartouchenn |
| Lezenn | |
| Rummad e Bro-C'hall | A |
An HK G36 (G evit Gewehr, fuzuilh) zo ur fuzuilh-arsailh ijinet e deroù ar bloavezhioù 1990 gant an embregerezh alaman Heckler & Koch, evit ezhommoù ar Bundeswehr.
Deskrivadur
[kemmañ | kemmañ ar vammenn]Ganet e voe ar G36 goude ma vije nullet raktresoù G11 ha G41 Heckler & Koch. E deroù ar bloavezhioù 1990 e chome neuze ar Bundeswehr gant fuzuilhoù-arsailh G3 savet 30 vloaz a-raok[1], ha pourveziet gant kartouchennoù 7,62 mm NATO diamzeriet.
Kambret eo ar G36 evit kartouchennoù 5,56 × 45 mm NATO. Savet eo tro-dro d'ur sistem kulasenn-dro dre amprest-gazoù, ha n'eo ket dre an distro-gazoù daleet gant rollerioù boaz e ti Heckler & Koch. He lunedenn Hensold, dezhi ur c'hreskadur × 1,5[2], hag he buker poent ruz, zo enbarzhet en he dornell, a-us d'ar c'hanol[3]. Treuzwelus eo he c'harger 30 kartouchenn, ha plegus eo he lamm[1].
Ur vannerez-greunadennoù HK AG36 40 mm a c'hell bezañ montet dindan he c'hanol. Ur vaionetez doare AK-47 a c'helle bezañ savet warni ivez. Graet e oa bet ar choaz-mañ abalamour da implijout stokoù dreist arme an RDA a chome goude 1990. Ur stumm berroc'h anvet G36K (evit Karabiner, karabinenn) a zo bet anezhañ evit an Nerzhioù ispisial dreist-holl[1].
Implij
[kemmañ | kemmañ ar vammenn]
Implijet eo bet evel arm standart gant ar Bundeswehr adalek 1995, ha war-dro 167.000 skouerenn eus ar G36 a voe produet eviti en holl. Da vare ar brezel en Afghanistan e voe kavet e oa kudennoù dreisttommañ gant an G36 pa veze tennet a-dennadegoù hir ganti[4]. Dre-se e veze kollet reoliñ al lunedenn alies ivez. Choazet e voe an Haenel MK 556 evit kemer he flas er Bundeswehr e 2020 da gentañ[4], met abalamour da gudennoù brevedoù ha lezenn e voe dibabet an HK 416A8 e 2022[5]. Hep ar c'hudennoù-mañ e chom ar G36 un arm resis, fiziapl ha simpl da gempenn.
Arme Spagn a voe pourveziet gant ar G36E adalek 1999 ivez. Implijet e voe an arm gant servijoù polisoù a bep seurt, evel er Rouantelezh-Unanet pe er Stadoù-Unanet[1].
Daveennoù
[kemmañ | kemmañ ar vammenn]- ↑ 1,0 1,1 1,2 ha1,3 (en) POPENKER Maxim, Heckler-Koch G36 assault rifle, Modern Firearms (lennet d'an 29/11/2024)
- ↑ (fr) G-36, Arme et passion (lennet d'an 29/11/2024)
- ↑ (fr) McNAB Chris, Armes à feu Encyclopédie visuelle, L'Imprévu, 2022, p. 181
- ↑ 4,0 ha4,1 (en) LARSON Caleb, Haenel’s MK556: Check Out Germany’s New Assault Rifle (diell), The National Interest, 17/09/2020 (lennet d'an 29/11/2024)
- ↑ (en) SAW David, Germany Finally Settles Assault Rifle Requirement, European Security & Defense, 01/02/2023 (lennet d'an 29/11/2024)
