Bermudo II

Bermudo II, lesanvet el Gotoso "An Urlaoueg", bet ganet etre 948 ha 953 hag aet da Anaon e miz Gwengolo 999^[1], a voe roue León adal 985 betek e varv.

E 981 e oa bet anvet da roue gant ur bagad uhelidi eus Galiza ha Portugal emsavet enep Ramiro III, ha kurunennet e 982 en Santiago de Compostela. Diwar neuze e voe brezel etrezo, ha ren a reas Bermudo e Galiza ha Portugal. Pa varvas Ramiro e 985 e renas Bermudo II e León a-bezh.

Div wech e timezas:

• a-raok 981 da Velasquita León, merc'h da Urraca hag Ordoño IV, roue León, ha dibriediñ a reas en 988; mont a reas Velasquita da leanez da Manati San Pelayo ma oa abadez ar rouanez intañvez Teresa Ansúrez.
• war-dro fin miz Du 991 da Elvira García († 1017), merc'h d'ar c'hont García Fernández, pe García Iañ Kastilla, ha d'e bried Ava Riborgaza, ha pemp bugel o doe:
  • Cristina Bermúdez, dimezet da Ordoño Leon († 1020), mab da Ramiro III León ha Sancha ; paz intañvezas ez eas da leanez da manati Cornellana, savet ganti, ha moarvat eo eno e voe beziet; pevar bugel o doe:
  • Alfonso V León, a renas war-lerc'h e dad;
  • Theresa († 1039), dimezet da Almansor, vizir Cordoba, en 995 ;
  • Pelagio ;
  • Sancha (leanez).