Carl Bildt
Nils Daniel Carl Bildt (ganet d'ar 15 a viz Gouere 1949) zo ur politikour hag un diplomat svedat. Kentañ Ministr Sveden e voe eus 1991 da 1994. E penn ar Moderata samlingspartiet e oa eus 1986 betek 1999. Ministr an Aferioù Estren e voe ivez etre Here 2006 ha Here 2014, e gouarnamant Fredrik Reinfeldt.
Un tamm brud en deus tapet evel hanterour e brezelioù Yougoslavia, pa oa kannad ispisial Unaniezh Europa e broioù Yougoslavia gozh adalek Mezheven 1995, unan eus kadoridi kendivizoù Emglev Dayton e miz Du 1995 ha Dileuriad Uhel evit Bosnia ha Herzegovina eus Kerzu 1995 da Vezheven 1997, goude Brezel Bosnia. Eus 1999 da 2001 e voe Dileuriad ispisial ar Broadoù Unanet er Balkanioù.
| En e raok: Ingvar Carlsson |
Kentañ Ministr Sveden 4 a viz Here 1991 – 6 a viz Here 1994 |
War e lerc'h: Ingvar Carlsson |
