Capua
| Anv annezidi | capuani  |
|---|---|
| Stad | Italia |
| Kêr-benn eus | Terra di Lavoro |
| Kêr-benn | Capua |
| E tiriad | proviñs Caserta |
| Gwerzhid-eur | UTC+01:00, UTC+02:00 |
| War ribl | Volturno |
| Daveennoù douaroniel | 41°6′20″N 14°12′50″E |
| Kenurzhiennoù al lec'h pellañ er reter | 41°8′28″N 14°19′10″E |
| Kenurzhiennoù al lec'h pellañ en norzh | 41°8′58″N 14°17′44″E |
| Kenurzhiennoù al lec'h pellañ er su | 41°5′20″N 14°13′55″E |
| Kenurzhiennoù al lec'h pellañ er c'hornôg | 41°6′33″N 14°7′22″E |
| Devezh-gouel | patronal festival |
| Darvoud-alc'hwez | Siege of Capoue, Siege of Capua, Siege of Capua, Siege of Capua |
| Kod-post | 81043 |
| Lec'hienn ofisiel | http://www.comune.capua.ce.it/ |
| Sant paeron | Stefan, Santez Agata |
| Seismic classification | 2 |
| Kod pellgomz an takad | 0823 |
| Kod plakenn varilh | CE |
Capua zo ur gumun en Italia e proviñs Caserta e Campania. Da 17 463 a dud e save ar boblañs enni d'an 31 a viz Eost 2022[1].
Douaroniezh
Emañ Capua e Douar al Labour (Terra di Lavoro), ma voe kêr-benn da vare priñselezh Capua ha da vare aloubadeg Napoleon Iañ, war ur vrec'h d'ar stêr Volturno, e-harz ar menez Tifata m'emañ ar frazione Sant'Angelo in Formis.
Treuzet eo ar gumun gant ar via Appia hag an hent-houarn Napoli-Caserta-Cassino.
Istor
Dont a ra an anv Capua eus an anv oskek Kapu, pe eus an anv etruskek Capeva, a dalv kement ha kêr ar paludoù. Hiriv e komzer eus Capua gozh, a vije bet savet en IXvet kantved kent JK, el lec'h m'emañ Santa Maria Capua Vetere hiziv, a oa ar Vulturnum etrusk er Vvet kantved kent JK, hag a oa o c'hreñvlec'h da aloubiñ Campania, ar vro tro-war-dro.
Hervez Cato an Henañ e vije bet savet gant an Etrusked un 260 vloaz a-raok ma voe savet kêr Roma. Da neuze ne vije ket kaoz gantañ eus ar bloaz ma voe kemeret e-kerzh an Eil brezel punek (211 kent JK) met eus ar bloaz ma voe staget ouzh Roma e 338 kent JK, ha savet e vije bet war-dro 600 kent JK, pa oa galloud an Etrusked en e greñvañ. Meur a annezlec'h "Villanovian", eus ar ragistor, zo bet kavet er c'hornad ha kresket e voent moarvat gant an Osked hag an Etrusked war o lerc'h.
Diskaret e voe galloud an Etrusked e Campania pa voe aloubet gant ar Samned en eil hanterenn ar Vvet kantved a-raok JK.
War-dro 424 kent JK e voe kemeret gant ar Samned hag e 343 e voe goulennet skoazell digant ar Romaned a-enep an alouberien.
En IXvet kantved e voe distrujet Capua gant ar Sarrazined, ma yeas ar boblañs war-du Casilinum, kêr orin Capua a hiziv.
Notennoù
- ↑ (it) [https://demo.istat.it/app/?a=2022&i=D7B ISTAT}}