marvel

(1499) Maruel er C'hatolikon^[1]. Savet diwar marv gant al lostger -el.

Anv-gwan

marvel /ˈmarvel/

1. A c'hell mervel.
   • Roue marvel an douar a zifenn mont war vor, eme Raymond ; gwelomp ha roue divarvel an neñv a zo a-du gantañ. — (Yann-Vari Perrot, Erwan ar Moal, Bue ar Zent, Montroulez, 1912, p. 128.)
   • [...] an hini en deus savet ar C'hrist a-douez ar re varv a rento ivez ar vuhez d’ho korfoù marvel [...]. — ( Testamant Nevez Hon Aotrou hag Hor Zalver Jesus-Christ, Pariz, 1897, p. 301.)
   • Meur a wech, da neuze, am boa bet gwelet ar pezh na c’hell peurliesañ gwelet meur a rumm daoulagad marvel… — (Ivon Krog, Eur Zac'had Marvailhou, Buhez Breiz, Kemper, 1924, p. 205.)
2. A zegas pa c'hell degas ar marv.
   • Darn anezho yac'hus, darn all a zo marvel. — (G. Milin, Marvaillou grac'h-koz, Brest, 1867, p. 72.)
   • Ha ma ve ret deomp kouezhañ,
     Dindan taolioù marvel,
     Am bo ar marv kaerañ
     ’Barzh ar c’hoantañ kavell. — (Fañch Abgrall, Luc'hed ha moged, 1935, p. 25.)
3. (dre hiperbolenn) A lavarer eus un enebour a gasaer kalz.
   • Holl war-sav evit he difenn deus an enebour marvel ! — (Fañch Abgrall, Luc'hed ha moged, 1935, p. 14.)
4. (Relijion) A lavarer diwar-benn ar pec'hedoù grevus a laka an den da goll gras Doue, pec'hed marvel.
   • Ar marv tristañ a c'haller bezañ skoet gantañ eo ar marv en stad a bec'hed marvel. — (Yann-Vari Perrot, Erwan ar Moal, Bue ar Zent, Montroulez, 1912, p. 789.)

• divarvel

Roll an daveoù :

• ^[1] : Ar c'hCatholicon