Dedengeran

Dedengeran (hurup Arab Gundul: ددڠران) entu perwujudan bunyi, biasanya maké perobahan trap spaneng lèstrik bakal sinyal analog, atawa selèrètan angka binèr bakal sinyal digital. Sinyal dedengeran gableg prékuènsi di ranggehan kasarannya 20 entuk 20.000 Hz, nyang sembabad ama wates bawah ama wates atas orang punya pendengeran. Sinyal dedengeran kena langsung disintèsisin, atawa asalnya deri penuker ungkulan kaya' halo-halo, cangkrang mesin kenong-kenong, atawa pentol tip. Sombok ama sumpel kuping nuker balik sinyal dedengeran lèstrik jadi bunyi.

Sepegimana video, audio pantesan polosan Betawinya ièlah dedengeran, sebab audiō dalem basa Latin artinya 'denger'. Mangka, atu hal nyang didenger digeronya dedengeran. Adapun kalu jadi penyipat—tulad, audio frequency (Ing.)—bentuknya jadi dengeran doang, tulad: prékuènsi dengeran.