BAFTA

Прэмія «БАФТА» англ.: BAFTA Awards
Тып	мастацкая ўстанова[d] і дабрачынная арганізацыя[d]
Заснаванне	1947
Краіна	Вялікабрытанія
Месца	Англія
Сайт	Афіцыйны сайт (англ.)
Медыяфайлы на Вікісховішчы

BAFTA (бел.: БАФТА) — прэмія Брытанскай акадэміі кіно і тэлевізійных мастацтваў (англ.: The British Academy of Film and Television Arts), якая ўручаецца за дасягненні ў наступных галінах: кінематаграфія, тэлебачанне, камп’ютарныя гульні, мастацтва для дзяцей.

Акадэмія была ўтворана 16 красавіка 1947 года пад кіраўніцтвам Дэвіда Ліна. У год утварэння і да 1976 акадэмія называлася Брытанскай Акадэміяй кіно. У 1958 годзе да акадэміі далучылася Гільдыя тэлевізійных прадзюсараў, а з 1976 года пачала называцца Брытанскай акадэміяй кіно і тэлевізійных фільмаў. Лаўрэаты ў якасці прыза атрымліваюць залатую маску.

Цырымоніі ўручэння кінематаграфічных узнагарод Брытанскай акадэміі кіно і тэлевізійных мастацтваў — нараўне з прысуджэннем прэміі «Залаты глобус», лаўрэатаў якой выбіраюць члены Асацыяцыі замежнай прэсы Галівуду, — з’яўляюцца своеасаблівай генеральнай рэпетыцыяй «Оскара», бо ў большасці выпадкаў яны апярэджваць вынікі галасавання членаў Амерыканскай акадэміі кінамастацтва.

Упершыню прэмія была ўручана ў 1948 годзе ў Лондане. З 2000 года прэмія носіць імя The Orange British Academy Film and Television Awards — кампаніі — аператара сотавай сувязі Orange, якая зрабілася афіцыйным спонсарам цырымоніі ўручэння ўзнагарод c 1998 года. У сувязі з гэтым і былі зрушаныя тэрміны правядзення ўрачыстасці — з красавіка на люты.

• Афіцыйны сайт BAFTA (англ.). Архівавана з першакрыніцы 27 жніўня 2011. Праверана 4.04.2010.
• Прэмія BAFTA на сайце «Internet Movie Database» (англ.)