Asus

Asus
Тып	акцыянернае таварыства
Лістынг на біржы	Taiwan Stock Exchange[d]
Заснаванне	1 красавіка 1989[1] і 1989[2]
Краіна	Тайвань[3]
Адрас	Тайбэй
Галіна	электронная прамысловасць[d]
Прадукцыя	апаратнае забеспячэнне
Абарот	351 млн NT$ (2019)[4]
Колькасць супрацоўнікаў	5 831 чал. (2019)[4]
Даччыныя кампаніі	ASMedia[d], ASUS ROG[d], Asus (China)[d] і Pegatron[d]
Сайт	asus.com (англ.)

ASUSTek Computer Inc. (/ˈeɪsuːs/^[5], /eɪˈsuːs/^[6], /ɑːˈ-/^[7], /əˈ-/^[8]; кіт. 華碩電腦股份有限公司; піньінь Huáshuò Diànnǎo Gǔfèn Yǒuxiàn Gōngsī) скарочана ASUSTeK або ASUS — тайваньскі ^[9] транснацыянальны вытворца камп’ютараў, тэлефоннага абсталявання і электронікі са штаб-кватэрай у раёне Бэйтоу, Тайбэй, Тайвань. Яго прадукцыя: настольныя камп’ютары, ноўтбукі, нэтбукі, мабільныя тэлефоны, сеткавае абсталяванне, маніторы, маршрутызатары Wi-Fi, праектары, мацярынскія платы, відэакарты, мультымедыйныя прадукты, перыферыйныя прылады, серверы, працоўныя станцыі і планшэтныя ПК. Кампанія таксама з’яўляецца вытворцам арыгінальнага абсталявання (OEM).

На кітайскай мове кампанію звычайна называюць ASUS або Huáshuò (кіт. трад. 華碩 спр. 华硕). Як паведамляе вэб-сайт кампаніі, назва Asus паходзіць ад Пегаса, крылатага каня з грэчаскай міфалогіі. Толькі чатыры апошнія літары слова былі выкарыстаны, каб надаць назве высокае месца ў алфавітных спісах. Як маркетынгавыя слоганы Asus выкарыстала Rock Solid. Heart Touching (2003—2009), а потым Inspiring Innovation Persistent Perfection (2009—2013). З 2013 года лозунг кампаніі -- «У пошуках неймавернага».

Прадукцыя Asus: ноўтбукі, планшэтныя камп’ютары, персанальныя камп’ютары, смартфоны, персанальныя лічбавыя памочнікі (ПЛП), серверы, камп’ютарныя маніторы, мацярынскія платы, відэакарты, гукавыя карты, DVD-прывады, камп’ютарныя сеткавыя прылады, камп’ютарныя карпусы, камп’ютарныя кампаненты і сістэмы ахаладжэння камп’ютараў.