З Вікіпедыі, свабоднай энцыклапедыі
Crenosoma vulpis — від круглых чарвей сямейства Crenosomatidae, які паразітуе ў лёгкіх сабачых (Canidae). Захворванне, якое ён выклікае, называецца крэнасамозам (ням.) (бел..
Самкі чарвякоў маюць даўжыню ад 12 да 16 мм, самцы — ад 4 да 8 мм.
Асноўным гаспадаром гэтага віда з’яўляецца звычайны ліс (Vulpes vulpes), але хварэюць таксама свойскі (Canis lupus familiaris)[1] і янотападобны сабакі (Nyctereutes procyonoides)[2][3], воўк (Canis lupus) і каёт (Canis latrans), а таксама барсук (Meles meles), лясная куніца (Martes martes) і лясны тхор (Mustela putorius)[4].
Сустракаецца ў значнай частцы Еўропы, а таксама ва ўсходняй Канадзе і на Алясцы .
Прамежкавымі гаспадарамі Crenosoma vulpis з’яўляюцца слімакі, у якіх развіваецца заразная трэцяя лічынка (L3). Пасля праглынання заражаных слімакоў лічынкі прарываюцца праз сценку тонкага кішачніка гаспадара і дасягаюць печані праз варотную вену . Яны дасягаюць сэрца па пячоначнай вене і каудальнай полай вене, а адтуль па лёгачнай артэрыі ў лёгкія гаспадара. Выявіць лічынак у лёгкіх можна ўжо праз шэсць гадзін пасля заражэння. Трэцяя лінька адбываецца праз чатыры дні, а чацвёртая — яшчэ праз чатыры дні. Атрыманыя пераддарослыя асобіны мігруюць з бранхіёл у бронхі і там спеюць да дарослых асобін. Дарослыя асобіны пачынаюць фармаваць першыя лічынкі на 19 дзень цяжарнасці. Яны выкашляюцца, праглынаюцца і, прайшоўшы праз стрававальны канал, трапляюць у знешні свет. Першыя лічынкі маюць даўжыню ад 240 да 310 мкм і маюць злёгку выгнуты задні канец. Дарослыя чарвякі могуць жыць дзевяць месяцаў і нават больш.
Зноскі
- ↑ Гельминтофауна и гельминтозы собак Беларуси и их санитарно-экологическое значение / С. С. Липницкий [и др.]. // Проблемы патологии, санитарии и бесплодия в животноводстве : материалы Международной научно-практической конференции, посвященной 100-летию со дня рождения академиков Академии наук Беларуси Х. С. Горегляда и М. К. Юсковца, Минск, 10 — 11 декабря 1998 г. — Минск, 1998. — С. 110—111.
- ↑ Меркушева, И. В. Черви / И. В. Меркушева // Березинский заповедник БССР. — Минск : Ураджай, 1983. — С. 208—213
- ↑ Шымалаў, В. Ц. Значэнне драпежных млекакамячых Беларусі ў распаўсюджванні некаторых гельмінтозаў у чалавека і хатняй жывёлы / В. Ц. Шымалаў // Веснік Акадэміі навук Беларускай ССР. Серыя біялагічных навук. — 1965. — № 1. — С. 120—123
- ↑ Бычкова Е. И, Акимова Л. Н., Дегтярик С. М., Якович М. М. Гельминты позвоночных животных и человека на территории Беларуси : каталог / [Е. И. Бычкова и др. ; Национальная академия наук Беларуси, Государственное научно-производственное объединение "Научно-практический центр по биоресурсам"]. — Минск: Беларуская навука, 2017. — С. 8-12. — 315 с. — ISBN 978-985-08-2187-4.
- D. Barutzki: Nematodeninfektionen des Respirationstrakts bei Hunden in Deutschland. In: Tierärztliche Praxis Kleintiere 41 (2013), S. 326—336.
- Dominique Grandjean et al.: Parasitic Rhinitis: Crenosoma infestation. In: Practical guide to dog breeding diseases. Aniwa Publications 2001, S. 111.
