Сейлем (Масачусетс)

Сейлем англ.: Salem Герб Сцяг Краіна  ЗША Каардынаты 42°31′01″ пн. ш. 70°53′55″ з. д.HGЯO Кіраўнік Dominick Pangallo[d][1] Заснаваны 1626 Першая згадка 1626 Плошча 47,397114 км²[2] 47,363673 км² (1 красавіка 2010)[3] Вышыня цэнтра 8 ± 1 м Насельніцтва ▲44 480 чал. (1 красавіка 2020)[4] Часавы пояс UTC-5 і UTC-4 Паштовыя індэксы 01970 і 01971 Афіцыйны сайт salem.com (англ.) Сейлем на карце ЗША

Медыяфайлы на Вікісховішчы

Сейлем, Салем (англ.: Salem) — горад ў акрузе Эсэкс штат Масачусетс, да 1999 года — адзін з адміністрацыйных цэнтраў акругі. Прыгарад Бостана, уваходзіць у агламерацыю Вялікага Бостана^[5].

Насельніцтва — &&&&&&&&&&040407.&&&&&040 407 чалавек (2000 год), з якіх 85,37 % — белыя, 3,15 % — афраамерыканцы, каля 2 % жыхароў маюць азіяцкае паходжанне. 24,2 % жыхароў — да 18 гадоў, 11,5 % — старэйшыя за 65. 9,7 % гараджан жывуць за рысай беднасці.

Сейлем — адзін з найстарэйшых гарадоў Новай Англіі, паселішча было заснавана рыбакамі ў 1626 годзе на паўднёвым-захадзе ад паўвострава Кейп-Эн. Названы ў гонар Іерусаліма. Праз тры гады ў горадзе была арганізавана першая ў новым свеце царква кангрэгацыяністаў, у якой пастарам служыў Роджэр Уільямс — заснавальнік Род-Айлендзкай калоніі^[6].

Стары Сейлем быў вядомы строгасцю сваіх пурытанскіх нораваў. Самай яркай праявай пурытанскай нецярпімасці сталі расправы над «ведзьмамі», учыненыя мясцовымі жыхарамі ў 1692—1693 гадах. Так, кіраўніком горада была абвешчаная паляванне на ведзьмаў, яна доўжылася каля паўтары гадоў. Пра норавф сейлемцев таго часу апавядае пісьменнік Натаніэль Готарн, які нарадзіўся ў гэтым горадзе, у сваім рамане «Пунсовая літара» (1850).

У XVIII і XIX стагоддзях Сейлем быў найбуйнейшым у Новай Англіі марскім гандлёвым цэнтрам і суднабудавання. Падчас канфлікта з Англіяй станавіўся цэнтрам каперскай дзейнасці. Сур’ёзны ўдар па яго дабрабыту нанеслі разрыў гандлёвых сувязяў з Брытаніяй і надзвычана вузкая гавань^[7].

У 1914 годзе ў горадзе адбыўся буйны пажар.

Сёння ў горадзе развіты турызм (прывабай для турыстаў служыць містычны арэол вакол гістарычнага працэса над «салемскімі ведзьмамі» — як спадчына, у горадзе цяпер маецца каля 15 тыс. «ведзьм»). У Салеме знаходзіцца каледж Сейлем-Стэйт, найбуйнейшы ў штаце дзяржаўны каледж.

У Сейлеме захавалася вялікая колькасць старадаўніх будынкаў каланіяльнай і раннефедэральнай эпохі:

• Дом ведзьмаў (каля 1670), у якім слухаўся працэс над ведзьмамі.
• Дом Пікерынга (1651) — самы стары ў ЗША дом, які займае адно і тое жа сямейства.
• Музей Готарна ў доме, дзе ён нарадзіўся (пабудаваны каля 1740 года).
• Дом аб сямі франтонах (1668) — праслаўлены Готарнам у аднайменным рамане.
• Паладыянскія будынкі, спраектаваныя з 1780-х па 1810-я гады селемскім гарадскім архітэктарам Сэмюэлам Макінтайрам.
• Вёска першапраходцаў (Pioneer Village) — макет горада ў тым выглядзе, які ён меў у першыя дзесяцігоддзі свайго існавання.

Музей Пібодзі, былы Музей Пібодзі ў Сейлеме.

У Сейлеме нарадзіліся мастачка Фідэлія Брыджэс, мастак-імпрэсіяніст Фрэнк Бэнсан і Стывен Генры Філіпс, юрыст, палітык, дзяржаўны дзеяч, генеральны пракурор штата Масачусетс.