Фірн
Фірн (ням.: Firn, ад старажытнаням. firni — мінулагодні, стары) — зярністы лёд, пераходная фаза паміж снегам і лёдам.
Фірн характэрны для горных раёнаў, размешчаных вышэй снегавой лініі і палярных абласцей (ападкі выпадаюць пераважна ў выглядзе снегу, які не паспявае раставаць за летні перыяд). Утвараецца ў выніку перакрышталізацыі снегу і шматразовага паверхневага раставання і замярзання вады, якая прасочваецца ў глыбіню снегавой тоўшчы. Фірн складаецца з ледзяных крупінак, злучаных паміж сабой. Шчыльнасць 450—800 кг/м³.
Таўшчыня фірнавага слоя на ледавіках Антарктыды можа дасягаць 100[1] метраў.
Зноскі
- ↑ Котляков В. М. Фирн // Вялікая савецкая энцыклапедыя (руск.)
Літаратура
[правіць | правіць зыходнік]- Беларуская энцыклапедыя: У 18 т. Т. 16: Трыпалі — Хвіліна / Рэдкал.: Г. П. Пашкоў і інш. — Мн. : БелЭн, 2003. — Т. 16. — 576 с. — 10 000 экз. — ISBN 985-11-0035-8. — ISBN 985-11-0263-6 (т. 16). — С. 415.
Спасылкі
[правіць | правіць зыходнік]- Котляков В. М. Фирн // Вялікая савецкая энцыклапедыя (руск.)
- Словарь по физической географии. — М., 1994 на сайте Экологический центр «Экосистема»™ (руск.)
На Вікісховішчы ёсць медыяфайлы па тэме Фірн
