Бельфор

Горад Бельфор фр.: Belfort Герб Краіна  Францыя Рэгіён Бургундыя — Франш-Кантэ Дэпартамент Тэрыторыя Бельфор Каардынаты 47°38′30″ пн. ш. 6°51′00″ у. д.HGЯO Унутранае дзяленне 5 кантонаў Мэр Эцьен Бюзбаш Плошча 17,1 км² Сярэдняя вышыня НУМ 358 м Насельніцтва 50417 чалавек (1999) Шчыльнасць 2948 чал./км² Агламерацыя 81524 чалавек Часавы пояс UTC+1, летам UTC+2 Паштовыя індэксы 90000 Код INSEE 90010 Афіцыйны сайт mairie-belfort.com (фр.) Бельфор на карце Францыі

Медыяфайлы на Вікісховішчы

Бельфор (фр.: Belfort) — горад на ўсходзе Францыі, адміністрацыйны цэнтр дэпартамента Тэрыторыя Бельфор.

Транспартны вузел ля горнага праходу паміж Вагезамі і Юра («Бургундскія вароты»). У мінулым Бельфор — крэпасць, якая вытрымала шэраг аблог (1814, 1815, 1870—1871), праіснавала да Першай сусветнай вайны. Паблізу ад Бельфора — знакамітая царква Нотр-Дам-дзю-О.

Бельфор размешчаны ў вельмі стратэгічным месцы, у Вагезай і Юрай, на шляху, які злучае Рэйн і Рону. Месца, дзе зараз стаіць горад, было заселена ў гала-рымскую эпоху і ў хроніках XIII стагоддзя згадваецца як валоданне графаў Манбельяра, якія надалі паселішчу статус горада ў 1307 годзе.

Раней аўстрыйскае валоданне, Бельфор быў перададзены Францыі паводле Вестфальскага міру 1648 года, па заканчэнню Трыццацігадовай вайны. Умацаванні горада былі пашыраны і развіты, дзякуючы ваеннаму архітэктару Людовіка XIV Вабана.

Найбольш вядомая гістарычная падзея, звязаная з горадам — яго гераічная абарона падчас франка-прускай вайны 1870—1871 гадоў. На працягу 103 дзён з лістапада 1870 года па студзень 1871 года гарнізон крэпасці пад камандаваннем палкоўніка П’ера Данфер-Рашро вытрымліваў аблогу нямецкіх войскаў у суправаджэнні артылерыйскіх абстрэлаў.

Штогод у Бельфоре праводзіцца міжнародны фестываль універсітэцкай музыкі Festival International de Musique Universitaire (FIMU). У маі з розных краін у горад з’язджаюцца да 2500 выканаўцаў, галоўным чынам студэнтаў. Фестываль доўжыцца тры дня. Усе канцэрты і паказы бясплатныя, яны учыняюцца на 14 сцэнах у зачыненых памяшканнях, пад голым небам і проста на вуліцы.

• На Вікісховішчы ёсць медыяфайлы па тэме Бельфор
• Афіцыйны турыстычны цэнтр (фр.) (англ.) (ням.)
• Музычны фестываль FIMU у Бельфоры
• Старонка пра бельфорскай крэпасці Архівавана 9 сакавіка 2021.
• Сайт, прысвечаны бельфорскай крэпасці Архівавана 2 лістапада 2007.