Іван Ягоравіч Забелін

Іван Ягоравіч Забелін
Дата нараджэння	17 (29) верасня 1820
Месца нараджэння	Цвер, Цвярскі павет[d], Цвярская губерня, Расійская імперыя[1]
Дата смерці	31 снежня 1908 (13 студзеня 1909) (88 гадоў)
Месца смерці	Масква, Маскоўская губерня, Расійская імперыя[1]
Месца пахавання	Ваганькаўскія могілкі
Грамадзянства	Расійская імперыя
Род дзейнасці	антраполаг, археолаг, гісторык, філосаф, краязнавец, мастацтвазнавец
Навуковая сфера	гісторыя, археалогія і гісторыя Расіі
Месца працы	Расійская Імператарская археалагічная камісія Дзяржаўны гістарычны музей
Навуковы кіраўнік	Timofey Granovsky[d]
Член у	Пецярбургская акадэмія навук
Подпіс
Медыяфайлы на Вікісховішчы

Іван Ягоравіч Забелін (17 верасня (29 верасня) 1820 — 31 снежня 1908 (13 студзеня 1909)) — рускі гісторык і археолаг.

У 1840 годзе напісаў першы артыкул пра багамольныя падарожжы рускіх цароў у Троіца-Сергіеву лаўру, які быў надрукаваны толькі ў 1842 годзе. Таксама ён збіраў і апрацоўваў матэрыялы па гісторыі царскага побыту і змяшчаў артыкулы ў «Айчынных Занатоўках» (1851—1857). У 1862 годзе часопісныя артыкулы надрукаваў асобнай кнігай пад загалоўкам «Хатні побыт рускіх цароў у XVI і XVII стст.», а ў 1869 выйшаў годзе 2-і том — «Хатні побыт рускіх царыц у XVI і XVII стст.».

У 1859 годзе С. Строганаў даручыў Забеліну даследаваць скіфскія курганы. Вынікі яго раскопак былі вельмі багатыя; апісанне гэтых расследаванняў зроблена ў творы «Старажытнасці Герадотавай Скіфіі» (1872). У 1871 годзе Забелін выдаў працу «Вялікі баярын у сваёй вотчыннай гаспадарцы». Займаючыся раскопкамі, ён працаваў над «Гісторыяй рускага жыцця» і вывучэннем старажытнага рускага побыту. У 1876 годзе выдаў 1-ы том сваёй «Гісторыі рускага жыцця з найстаражытных часоў», а ў 1879 годзе — 2-і том.

Акрамя гэтых кніг вельмі каштоўныя працы: «Рысы самабытнасці ў старажытнарускім дойлідстве»; «Погляд на развіццё маскоўскага самадзяржаўя», а таксама выданні Забеліна: «Гістарычнае апісанне Маскоўскага Данскога манастыра» (1865), «Праабражэнскае і Праабражэнск» (1883), «Матэрыялы для гісторыі, археалогіі і статыстыкі Масквы» (1884).

• Святая Русь: Энциклопедический словарь русской цивилизации / сост. О.А. Платонов. — М, 2000. — 1040 с. ISBN 5-901364-01-5