Тэрні

	Тэрні
Краіна:	Італія
Кіраўнік:	Леапольда Дзі Джыроляма[d]
Плошча:	212,43 км² (9 кастрычніка 2011);
Вышыня:	130 м н. у. м.
Насельніцтва:	▼106 370 чал. (1 студзеня 2023);
Тэлефонны код:	0744
Паштовы індэкс:	05100
Нумарны знак:	TR
Геаграфічныя каардынаты:	42°34′0″ пн. ш. 12°39′0″ у. д. / 42.56667° пн. ш. 12.65° у. д.Каардынаты: 42°34′0″ пн. ш. 12°39′0″ у. д. / 42.56667° пн. ш. 12.65° у. д.
	Тэрні на мапе Італіі Тэрні
	Галерэя здымкаў у Вікісховішчы
	http://www.comune.terni.it/

Тэрні (па-італьянску: Terni) — горад у Італіі, які месьціцца ў рэгіёне Умбрыі, адміністрацыйны цэнтар аднайменнай правінцыі. Знаходзіцца за 104 км на паўночны ўсход ад Рыму і за 81 км на поўдзень ад рэгіянальнай сталіцы Пэруджы.

Гісторыя

Горад быў заснаваны прыкладна ў VII стагодзьдзі да н. э. умбрыйцамі, на тэрыторыі, заселенай яшчэ ў бронзавым веку. У III стагодзьдзі да н. э. Тэрні быў заваяваны рымлянамі і неўзабаве стаў важным муніцыпіюмам, разьмешчаным на дарозе Вія-Флямінія. Пасьля заваёвы места лянгабардамі ў 755 годзе Тэрні страціў вядомасьць, стаўшы другасным горадам у герцагстве Спалета. У 1174 годзе ён быў разрабаваны Барбаросавым вайскаводам арцыбіскупам Крыстыянам Майнцкім. У наступным стагодзьдзі Тэрні быў адным зь месцаў, якія часта наведваў сьвяты Францішак, каб чытаць казаньні.

У XIV стагодзьдзі Тэрні стала горадам-камунай. Тут былі пашыраныя сьцены, а таксама пабудаваныя новыя каналы. Як і ў многіх італьянскіх камунах позьняга Сярэднявечча, горад быў уцягнуты ў барацьбу паміж гвэльфамі і гібэлінамі. Пазьней места было далучанае да Папскай дзяржавы. У 1580 годзе дзеля апрацоўкі жалезнай руды, здабытай у Мантэлеоне-дзі-Спалета, у горадзе зьявіліся мэталюргічныя цэнтры, што паклала пачатак традыцыйнаму прамысловай спэцыялізацыі Тэрні. У XVII стагодзьдзі насельніцтва места скарацілася праз пошасьць чумы і голад.

У XIX стагодзьдзі Тэрні скарыстаўся прамысловай рэвалюцыяй і багатымі крыніцамі вады ў гэтым рэгіёне. У выніку ў месьце паўсталі гісэрня, а таксама фабрыкі па вытворчасьці зброі, джуту і воўны. У 1927 годзе Тэрні стаў сталіцай правінцыі. Праз свой прамысловы статус горад быў шматкроць бамбаваны вайскова-паветранымі сіламі хаўрусьнікамі. За 57 авіяўдараў было пашкоджана блізу 40% будынкаў Тэрні. Не зважаючы на гэта, прамысловасьць хутка адрадзілася па вайне^[3]^[4]^[5]^[6].

Крыніцы

^ Superficie di Comuni Province e Regioni italiane al 9 ottobre 2011 — ISTAT.
^ https://demo.istat.it/?l=it
^ «11 agosto 1943, alle 10.29 il primo bombardamento a Terni: il racconto di un tragico evento». TerniToday
^ Gioannini, Marco; Massobrio, Giulio (2007). «Bombardate l’Italia. Storia della guerra di distruzione aerea 1940—45». Rizzoli Libri.
^ «11 agosto 1943, Terni non dimentica». umbriaON.
^ «Terni». Enciclopedia Italiana di Scienze, Lettere e Arti.

Вонкавыя спасылкі

Афіцыйны сайт. (італ.)

[_19552c06c9ef95a7-1] Superficie di Comuni Province e Regioni italiane al 9 ottobre 2011 — ISTAT.

[_55ab1ae7e6d1f007-2] ttps://demo.istat.it/?l=it

[3] «11 agosto 1943, alle 10.29 il primo bombardamento a Terni: il racconto di un tragico evento». TerniToday

[4] Gioannini, Marco; Massobrio, Giulio (2007). «Bombardate l’Italia. Storia della guerra di distruzione aerea 1940—45». Rizzoli Libri.

[5] «11 agosto 1943, Terni non dimentica». umbriaON.

[6] «Terni». Enciclopedia Italiana di Scienze, Lettere e Arti.

[1]

[2]

[3]

[4]

[5]

[6]