Квача
| Квача | |
 | |
| Краіна | Малаві |
|---|---|
| Падзел | тамбала |
| Код ISO-4217 | MWK |
| Сымбаль | MK |
| Цэнтральны банк | Reserve Bank of Malawi[d] |
| Увядзеньне ва ўжытак | 1971 |
| Папярэдняя валюта | Malawian pound[d] |
| Абменны курс: (9 студзеня 2008 (Даляр ЗША)) | 142,006 |
 Галерэя выяваў у Вікісховішчы | |
Квача (код ISO 4217: MWK) — афіцыйная валюта Малаві з 1971 году. Квача замяніў Малавійскі фунт па курсе 2 квача = 1 фунт. Квача дзеліцца на 100 тамбала. Сваю назву квача атрымаў ад слова з мовы н’ян’я і бемба «сьвітанак», а тамбала перакладаецца як «певень». Атрымліваецца паэтычны пераклад валюты як: «сто пеўняў робяць сьвітанак».
Манэты
[рэдагаваць | рэдагаваць крыніцу]Манэты ўведзеныя ў 1971 годзе мелі вартасьць 1, 2, 5, 10 і 20 тамбала. У 1986 годзе былі ўведзены ў абарачэньне манэты 50 тамбала і 1 квача. Новыя бімэталічныя манэты вартасьцю 5 і 10 квача былі ўведзены ў студзені 2007 году. Усе ўведзеныя манэты застаюцца ў абарачэньні і ў нашы дні.
Банкноты
[рэдагаваць | рэдагаваць крыніцу]У 1971 годзе былі ўведзены банкноты вартасьцю 50 тамбала, 1, 2 і 10 квача. У 1973 годзе банкнота вартасьцю 2 квача была заменена на 5 квача. Новая банкнота вартасьцю 20 квача была ўведзена ў 1983 годзе, 50 квача ў 1986 годзе. Апошняя банкнота ў 1 квача была надрукаваная ў 1988 годзе. У 1993 годзе была ўведзена банкнота ў 100 квача, у 1995 — 200 квача, у 2001 — 500 квача.