foobar2000

foobar2000 — бясплатны аўдыё-плэер для апэрацыйнай сыстэмы Microsoft Windows (з вэрсіі 0.9 падтрымліваюцца толькі Windows 2000 і больш позьнія рэлізы), распрацаваны польскім праграмістам Пэтэрам Паўлоўскім, былым супрацоўнікам кампаніі Nullsoft. Мае невялікі памер і мінімалістычны выгляд. Уключае ў сябе мноства функцыяў для падтрымкі мэта-дадзеных і высакаякаснага выкананьня гуку. Акрамя гэтага foobar2000 мае мэдыя-бібліятэку для хуткага доступу да музычных файлаў, убудаваны канвэртар паміж рознымі фарматамі файлаў, модуль запісу кружэлак. Адной з галоўных функцыяў плэеру зьяўляецца магчымасьць падключаць плягіны зь вялікай колькасьцю дадатковых магчымасьцяў.

Праграмны інтэрфэйс мае толькі ангельскую мову. Акрамя таго, аўтар праграмы не зьбіраецца дадаваць падтрымку іншых моваў. Як і не зьбіраецца рабіць вэрсіі праграмы пад іншыя апэрацыйныя сыстэмы.

• Поўная падтрымка Unicode
• Падтрымка ReplayGain
• Пашыраныя магчымасьці апрацоўкі і рэдагаваньня файлавай інфармацыі
• Неабмежаваныя магчымасьці наладкі выгляду плэйлістоў (з дапамогай плягіну Columns UI)
• Падтрымка некалькіх плэйлістоў у адным вакне
• Наладка «гарачых клявішаў» клявіятуры
• Убудаваная музычная бібліятэка
• Падтрымка інтэрнэт-радыё

• Убудаваная падтрымка файлаў наступных фарматаў: MP3, Ogg Vorbis, MP2, AAC, WAV, AIFF, Musepack, VOC, SND, MP4, WMA, FLAC, WavPack, Speex, AU
• Праз плягіны: TTA, Мonkey’s Audio, ALAC, Mod, SPC, TFMX, Shorten, OptimFROG, LPAC, AC3, PSF, NSF, XID, XA, Matroska ды іншыя.

Акрамя таго, foobar2000 можа граць музыку, запакаваную ў архівы RAR, ZIP і 7-Zip.

Foobar2000 — сховішча мультымэдыйных матэрыялаў

• Сайт праграмы foobar2000.org
• Форум падтрымкі карыстальнікаў foobar2000
• Зборнік адказаў на асноўныя пытаньні
• Official Plugins
• IRC-канал #foobar2000 на сэрвары Freenode

• Поўная даведка па праграме(недаступная спасылка)
• Сьпіс сайтаў аб foobar2000
• Расейскі сайт foobar2000
• Расейскі форум падтрымкі карыстальнікаў foobar2000