Jeknas

Jeknas aba kepenas (graikėškā: hepar) īr tėk pas stoborėnius gīvius rondama magtīnga vėrškėnėma liauka ė dėdliausis vėdaus organs. Kap organs atlėikt galībė funkcėju: dalīvau medegū apīkaituo, dėrb ė ėšskėr tolži, regoliou sokraus kėikībė kraujie, kontruoliou kuolesteruolė ė kap katrū kėtū hormuonu ė fermentu kėikibė, kaup D, K, PP ė B gropės vitaminus, detoksikou ė so tolžėm ėšskėr ivairius metabuolitus, tuoksinus, liekvarstus, atlėik barjerėnė ė keravuojėma funkcėjė, regoliou cirkolioujontė kraujė kėikībė, dėrb vaisiaus kraujė, sintetėn albuminus, alfa ė beta globulinus, fibrinogena, protrombina, heparina, sintetėn ė kaup vitamina A, kaup gelži ė vitamina B12, metabolizou hormonus.

Virosā, alkuoguolis, toksinā, tonkos liekvarstu vartuojėms, nesaugos mīliėjėmasis ė kėtas prīžastis gal sokeltė kepenū lėgas, tuokės kāp virosėnis hepatits, Kepenū ciruozė, kepenū viežīs, Kepenū sorėibiejėms.