Wérfen

Der Artikl is im Dialekt Pongaurisch gschriem worn.

Wérfen

Ésterreichkorschten, Bosizion vah Wérfen hervurghoom

Baasisdaatìn

Bundeslond: Soizburg

Bolitischer Bezirk: Seiger Hóns/Pg. (JO)

Fläch: 153,26 km²

Koordinaatìn: Koordinaten: 47° 29' N, 13° 11' O 47° 29' N, 13° 11' O

Hejch: 548 m i. A.

Eihwoner: 3058 (1. Jén. 2020)

Bevejkarungsdichtìn: 20 Eihwoner pro km²

Bostloatzåi: 5450

Vurwåi: 06468

Gmoahkénnziffer: 50 424

Gmoahvawåiting: Markt 24, 5450 Werfen

Webseitìn:

www.gemeindewerfen.at

Bólitik

Birgermoaster/rin: Hubert Stock (ÖVP)

Gmoahråut: (2019)

10

6

3

10 6 3

Insgesamt 19 Sitze

ÖVP: 10
SPÖ: 6
FPÖ: 3

D' Morktgmoa Wérfen (amtli: Werfen) lig so ebbas 40 km sidlich vo Soizburg in Esterraich. Si houd za. 2.975 Aiwoner (2016).

Geografi

D' Gmoa lig im Pongau im Soizburga Lound zwischn Tennen-, Honggebirg und Hochkenig im Soizachtoi.

Zan 154 km² umfossatn Gmoagebit vo Werfm ghern aa d' Ortschoftn:

Tennegg (Tenneck)
s Bleabouchtoi (Blühnbachtal)
Imlau (Imlau)
Raitsam (Reitsam)
Schortn (Scharten)
Suizau (Sulzau)
d' Wimm (Wimm)

Gschicht

Werfm is oana vo d' ejtastn Morkt im Soizburga Lound. Er is zwischn 1190 und 1242 grindt woun. Werfm is da Sitz vo an soizburgerischn Pfleggricht gwen. In d' Bauernkriag 1525/1526 is Werfm koumpflos vo d' Aufständischn aignumma woun. 1731/1732 is za na grossn Protestantnvatraiwung kemman. Aufgrund vo eanana Zuagherigkait zan protestantischn Glam sand 20.000 Leit per Dekret vom Firschterzbischof vom Lound ausgwisn woun. Da Kinig Friedrich Wilhelm I. vo Praissn houd d' Flichting in Ostpraissn a noichs Lound zuagwisn.

Am 25. Juli 1928 is nouch nur na oajaring Bauzeid auf 'm 1630 m houchn Rettnbouchriadl zan Odenkn an d' Vurforn d' Ostpraissnhittn aigwaicht woun.^[1]

Noch da Aufläsung vom gaistlichn Firschtntum Soizburg is Werfm mid 'm grässtn Toae vom soizburgerischn Gebit 1816 z' Esterraich kemma. 1939 is d' Ortschoft Konkordiahittn (Konkordiahütte) in Tennegg (Tenneck) umbnounnt woun. Da Ortstoae Tennegg is vom Aisnwerk Suizau-Werfm sear stork prägt.

Werfm lig untahoib vo da Burg Houchnwerfm, de ois Burg vo d' Soizburga Erzbischef auf s 11. Jouhundascht zrucke get. D' Festung Houchnwerfm is 1931 durch an Groussbround toaewais zastärt woun und nochand wider aufbaut und am 6. August 1938 da NSDAP iwagem, um untam Loundrot Karl Springenschmied zur Gauschulungsburg umgwoundlscht z' wern. Am 6. Mai 1945 houd da Genarallaitnount Park (6. US-Armee) um 13:30 Uhr 'n Woffmstijstound bekounnt gem. Nochm zwoatn Wejdkriag is d' Burg bis 1987 vo da esterraichischn Bundesgendarmerie ois Ausbijdungsstättn gnitzt woun.

Kuitur & Sechnsweadigkaitn

Aisrisnwejd: d' grässte Aishej wejdwait und de bekounntaste Sechnsweadigkait vo Werfm
Festung Houchnwerfm
Pfoarkirchn zan hl. Apostl Jakobus 'm Ejtern: baut vo 1652-1657
Kapuzinerkirchn „Mariahijf“
Brennhof: mid aizigorting Laumgoung, is ois Sitz vom Erzbischof Johann Franz Graf Khuen von Belasi gnitzt woun
Pfleggrichtsgebaide: a Bau aus'm 15. Joarhundert, der 1531 untam Kardinal Matthäus Lang grundlengd aus- und umbaut woun is. D' historischn Kuenburggwejbe wernd ois Veroustoitungsraime gnitzt.
- In da Mittn vom 20. Jorhundascht sand doudan berijmte Fijm wia Agenten sterben einsam oder Toae vo The Sound of Music draat woun. Aa wenger bekounnte Fijm wia Kinderarzt Dr. Fröhlich mid'm Roy Black oder Frankensteins Tante sand doudan produziascht woun.

Wopm

s Wopm vo da Gmoa is: „Im toaetn Schijdl om in Goid d' woggsnde vurwärtskherte Gstoit vo an Pijger mid rodm Klaidl, schwouschzn Mountl und emsoichan barettorting Huat, in da Rechtn an Pijgastoub hoitad, d' Linke in d' Seitn gstitzt, untn in Blau an aufrecht rechtsgwendatn schwouschzn Hund.“

Politik

Birgermoaster is seid 2014 da Hannes Weitgasser vo da ÖVP.

Beleg

↑ Archivierte Kopie. Archiviert vom Original [1] am 11. Juni 2007; abgerufen am 26. Januar 2008.

Stédt und Gmóaner an Póngau

[1] Archivierte Kopie. Archiviert vom Original [1] am 11. Juni 2007; abgerufen am 26. Januar 2008.

[1]