Hiatnhackl

Is Hiatnhackl (tschechisch und slowakisch valaška; ungarisch fokos; poinisch je noch Region ciupaga, rąbanica, obuszek oda cekanka; rumänisch baltag; rusinisch валашка, valaška; ukrainisch бартка, bartka, топірець, topirets') is a laungs, dinns Hackl, des wos friacha vo Hiatn in de Karpatn vawendt wuan is, speziöö in da Slowakei, in Tschechien, Poin, Ungarn, Rumänien und da Ukraine. S Hiatnhackl is a Kombination aus an Spaziasteckn und an Weakzeig, kaun owar aa ois Woffn vawendt wean. Fia de Leit aus de Karpatn hods an wichtign historisch-symolischn Weat fia eahna regionals Söbstwbewußtsein, und es wiad aa in divease Voikstänz – z.B in odzemek (Mährische Wolochei) oda in zbójnicki taniec (Beagrauba-Taunz; Poin und Slowakei) - vawendt.

A Hiatnhackl hod an laungan, grodn Schoft und untn oft a klaans, metollans Knepfal ois Obschluss. Da Schoft söwa is zmeist mea ois wiar an Meta laung. Oft is a vo sein Bsitza aufwendig graviat wuan, weu jo d Leid domois in da Aaschicht gnua Zeid ghobt haum. Da Kopf vom Hackl is aus Metoi und hod auf dar an Seitn a Schneid fias Hoiz hockn, auf dar aundan is a floch. Auf da flochn Seitn kaun ma s ois Haumma vawendn. S Kopfstickl is aa no so gfuamt, doss mas bequem in da Haund hoidn kau. Duach des losst si a Hiatnhackl aa ois Spaziasteckn heanehma.

• 
  Da poinische Góral Klemens Bachleda hoit a ciupaga
• 
  Oid-ungarischa Kriaga mid an fokos
• 
  Da slowakische Voikshöd Juraj Jánošík hoit sei valaška
• 
  Da ungarische Revoluzza Imre Thököly mit an leicht modifiziadn fokos
• 
  Da Opryshok Vasyl Bayurak mid bartka

• Broadhogg, Hockn mit an braadn Bladdl
• Dexel, haufeamige Hockn
• Hagge, klane Hockn
• Hau (Föödhau, Föödhockn)
• Hogg, aa Hogga oda Hockn
• Schnoatbrax, aa Sope, fias Beweng vo Baam
• Tomahawk, indianisches Hackl