Fahn

Da Fahn oder a Fahna^[1] u neia noch n Meissnischn de Fahn, (Meahzoih: Fahna), as Fahnl oda de Flaggn is meist a Stickl Stoff, dea wo af ana Stonga oda an Mast afghängd is und zua symbolischn Identifikazion (z. B.: Land) oda ois symbolischs Signoi (z. B.: Trauabeflaggung) vawendt wead. Im Boarischn wean Fahn und Flaggn synonym vawendt.

Des gonz Brimborium vo Eaklearunga iwa de Reihnfoig vo de Foabm vom Fahn (vo aussn noch innan, wenns richtig hängd) ko ma se de daspoan: Ma stejd se de Fahn mid da senkrechtn Fahnastonga fia, oiso aso, wia ma's trogd, und donn miassn de Foabm vo oom noch untn stimma, und wenn ma's fia s Fensta ausse hängd, aft sands em um neinzg Grad gnoagd.

De easchtn Fahna oda Flaggn san ois militärischs Huifsmiddl eihgsetzd worn. Nationoiflaggn san a wichtigs Identifikazions-Symboi. Es gibd owa heit aa Fahna zua Weabung und zua Dekorazion fia Firmen und Organisaziona.

De Leah vom Fahna- und Flaggnwesn hoaßt Fahnakund oda Vexillologie (vo lat.: vexillum = Flaggn, Banna).

• W. Smith, O. Neubecker: Wappen und Flaggen aller Nationen, Battenberg Verlag, Minga 1980, ISBN 3-87045-183-1
• Brian Leigh Davis: Flags & standards of the Third Reich, Macdonald & Jane’s, London 1975. ISBN 0-356-04879-9
• Ottfried Neubecker: Heraldik. Wolfgang Krüger Verlag, Frankfurt am Main 1977. ISBN 3-8105-1306-7
• Derkwillem Visser: Flaggen – Wappen – Hymnen. Battenberg, Minga 1990. ISBN 3-87045-230-7
• K.L. Jott: Flaggen dieser Welt, Verlag EDITION XXL, Fränkisch-Crumbach 2006. ISBN 978-3-89736-710-4

 Commons: Flagge – Oibum mit Buidl, Videos und Audiodateien

• Flags Of The World Iwasicht iwa de Flaggn vo da ganzn Wejd (englisch)
• Datenbank zu Kommunalflaggn in Deitschland
• National-, Staatsoberhaupt- und historische Flaggen
• Deutsche Gesellschaft für Flaggenkunde
• Flag identifier
• Beflaggung vo Schiffn
• Seemarkiarungsfahna-Slphabet