Dempf

Dempf (Hoachdeitsch: Apfelmus/-kompott) is a Brei aus Äpfe.

Wenn ma an Dempf macha wui, muas ma zeascht amoi de Äpfe vom Keanhaus trenna und in gloane Schdicklan schnein. Na kemma de Schdicklan in an Degl und ma kocht des ganze. Wei des do so dampft hoasst da Dempf a Dempf. Beim Kocha werd dea na entweda göb, rosa oda rostrot, des kummp vo de Oxidationsprodukte vo dea Fruchtseire mit da Farb vo da Schöf. Nochm Kocha ko man no mit am Püriagrät weida zerbazn und veleicht no mit Zimt und Zucka oschmecka.

An Dempf ko ma zum oana zu Nachspeisn wia Muireis, zum andan o zo pikante Sachan wia Raiwadadschi essn.

 Commons: Apfelmus – Sammlung vo Buidl, Videos und Audiodateien