Old Formation

De Old Formation woara estareichische Rock'n'Roll-Band. 1981 is eignlich ois reine Cover-Band grind wuan, damiz gelegenlich in eischlägige Klubs theatahoiba spüün. Sea hom si oba daunn mid eigane Titln wia Rain in the city^[1][2] in da domolign Pop-Szena posizionian kennan.

De Grinda woan Robert Toegel (Gesang, Saxophon), Otto Sotosek (Gesang, Schlagzeug) und Josef "Pepi" Veprek (Piano). Se haum 1981 aus reina Hetz a Band grind min aafochn Züü, a boa moi im Joa speziöö fia Rock'n'Roll Tänza und Fans von da oidn Musik zum spüün. Es san daunn dazuakumma da Andreas "Andy" Kaltenhauser (Gesang, Gitarre), Gerhard Donhofer (Bass) und am Enda aa da Josef ""Gschiserl"" Meiböck (Gesang). Mea oda wenig zufällig sans min domolign Labl CBS-Records in Kontakt kumman und haum im Oktober 1981 eana easchte LP aufgnumman, de daunn im März 1982 präsentiat wuan is. A Numma drauf hod ghaaßn Rain in the City,^[3] de is äus Single auskopped wuan und de hod si sofuat in die de Austrian Charts wichtig gmocht. De Numma is aa a richtiga Evagriin woan, bis heut gheat des Liadl zu Standardrepatoaa vo Bands, de wos iwahaup sowos wia Rock'n'Roll spüün.

Im Heabst 1984 haum daunn da Pianist und da Sänger gwexlt, es sa da Hannes Jaric (piano) und da Helmut "Steve George" Arnet (Gesang) dafia dazua kumman. In dera Besetzung haums daun de inzwischn 3. LP aufgenommen, von dea de Auskopplung Wake Up^[4] wieda in de estareichischn Charts kumman is.^[5]. A aundara TItel vo dera LP hod Lemme hear your heartbeat ghaaßn,^[6] de hot si zwoa ned goara so in de Charts ghoidn, dafia haums sas im Ö3 a gaunze Zeitlaung auffe-obe gspüüt.

Im Joa 1986 haums noamoi gwexlt auf de daun letzte Besetzung. De hod daunn no 1990 a gaunze LP im weana Dialekt gmocht. Ghaaßn hoz Kruzitürken, oba Eafoig woa des kaana mea. 1993 haums daunn den Huat draufghaut und si aufglest.

• Vuagruppn vom Shakin' Stevens (1982) in da Kurhalle Oberlaa und da Linzer Sporthalle
• Vuagruppn vom Shakin' Stevens (1983) in da Wr.Stadthalle
• Ois Attraktion bei de Rock'n'Roll Staatsmeisterschaften in Augsburg (D) (1983)
• beim 3D-Fernsehen ORF-TV-Versuchsprogramm (26. Februar 1982)
• beim Tritsch-Tratsch ORF-TV (4. Juni 1982)
• Live Act und Begleitung vom Peter Rapp, Casey Jones (Don't Ha Ha) und Ted Herold (Moonlight) beim Stadthallen-Konzert 1984
• Donauinselfest 1985, 1986, 1987 (Hauptbühne), dazua de Begleitung vom Ulli Bäer (Der Durst bringt mi um), Casey Jones und Ted Herold aufm Donauinselfest^[7]

• 1982: Reelin' Rockin' and Rollin' (CBS 85539)
• 1983: Let's go Rock and Roll (CBS 25274)
• 1984: Rock and Roll is Back (Lion Baby 1335061)
• 1990: Kruzitürken (Barless Records MA 42)

• 1982: Rain In The City (CBS 2020 A)
• 1982: The Shape I'm In (CBS 2401 A)
• 1982: I'm Ready (CBS 2839 A)
• 1983: Where Have You Been (CBS 3063 A)
• 1983: True Fine Mama (CBS 3510 A)
• 1984: Wake up (Lion Baby 1135567)
• 1984: Lemme hear y.Heartbeat (Lion Baby 1135627)
• 1984: Sad Woman (Lion Baby 113527)
• 1986: That's why I give my Love (Bellaphon 10031019)

• 1992: Old Formation (LP1 + LP2; Columbia 47-1912 2)
• 1993: ...you like Rock'n'Roll? (mit Fritz "Ty Tender" Weiler; Columbia 659140-2)

• Website von da Patie
• Rain in the City on youtube.com

1. ↑ http://austriancharts.at/showitem.asp?interpret=Old%20Formation&titel=Rain%20In%20The%20City&cat=s
2. ↑ http://www.discogs.com/Old-Formation-Rain-In-The-City-Bip-Bop-Boom/release/1459374 discoqs.com
3. ↑ http://www.austriancharts.at/oe3_archiv.asp?day=25&month=04&year=1982&gobutton.x=0&gobutton.y=0
4. ↑ http://austriancharts.at/showitem.asp?interpret=Old+Formation+and+Steve+George&titel=Wake+Up&cat=s
5. ↑ http://www.austriancharts.at/oe3_archiv.asp?day=22&month=04&year=1984&gobutton.x=0&gobutton.y=0
6. ↑ http://austriancharts.at/showitem.asp?interpret=Old+Formation+and+Steve+George&titel=Lemme+Hear+Your+Heartbeat&cat=s
7. ↑ http://www.schwaiger-music-management.at/images/K%C3%9CNSTLERLISTE%20DONAUINSELFEST%20seit%201984.pdf@1@2Vorlage:Toter Link/www.schwaiger-music-management.at (Seite nicht mehr abrufbar; Suche in Webarchiven)