Hidimbi
| हिडिम्बी | |
|---|---|
 Ilustrasi Hidimbi dan Bima, sebuah litograf terbitan Raja Ravi Varma Press. | |
| Tokoh Mahabharata | |
| Wastan | Hidimbi |
| Ejaan Déwanagari | हिडिम्बी |
| Ejaan IAST | Hiḍimbī |
| Wastan liyanan |
|
| Kitab pustaka | Mahabharata |
| Genah | hutan Kamyaka |
| Golongan | raksasi |
| Nyama | Hidimba |
| Rabi | Bima |
| Okan | Gatotkaca |
Ring Wiracarita Mahabharata, Hidimbi (Déwanagari: हिडिम्बी; IAST: Hiḍimbī) inggih punika raksasi (raksasa luh) sane masemeton sareng Hidimba. Makakalih raksasa sane ngoyong ring alas Kamyaka. Hidimbi nganten sareng Bima, silih tunggil Pandawa, nglantur ngembasang putra adiri sane mawasta Gatotkaca. Ring pewayangan Jawa, tokoh puniki kauningin taler antuk parab Arimbi.
Carita Hidimbi puniki wenten ring kitab Mahabharata kapertama sane mamurda Adiparwa, ring subbab ke-9 mamurda Hidimbawadhaparwa. Kacritayang Bima sareng Pandawa miwah biangne (Kunti) sedek wenten ring alas Kamyaka sawusan katiben bancana kebakaran utawi Laksagreha.
Beline Hidimbi sane mawasta Hidimba, pinaka raja raksasa ring alas Kamyaka, ngadek bon manusa sane nenten lian wantah para Pandawa sareng Biangne, Kunti. Hidimba raris ngorahin Hidimbi ngrereh manusa punika jagi katadah. Nanging, rikala Hidimbi nyingakin Bima magadangin semeton lan biangne sirep, tumbuh tresna ring atine Hidimbi. Hidimbi nenten dadi ati jagi ngamatiang Bima lan kulawargane. Antuk kasaktianne, Hidimbi nyutirupa dados anak istri jegeg raris nampekin Bima. Hidimbi mawanti-wanti ngorahin Bima indik beline, raja raksasa sane sakti nanging Bima nenten jerih.
Hidimba rauh nutug sapamargin adine wireh nenten wenten mawali maktaang be manusa. Hidimba krodha sasampune uning adine ngilonin Pandawa bandingang sareng dewekne pinaka semetone. Hidimba pacang ngamatiang Hidimbi nanging kalawan olih Bima. Selanturnyane, Hidimba mayudha sareng Bima. Pamuputne, Hidimba prasida kakalahang olih Bima.[1]
- ↑ http://ritsin.com/bhima-hidimba-[permanent dead link] mahabharata.html/