County Rockland, New York

County Rockland inggih punika county ring tanggu kelod ring sisi kauh Tukad Hudson saking negara wagian Amérika Serikat New York. Ipun inggih punika pahan saking wawengkon métropolitan New York. Manut sénsus A.S. 2020, county madué populasi 338,329,^[1] manadosang ipun county katiga sané pinih padet populasi ipun ring negara wagian sajabaning Kota New York sasampun County Nassau lan pisaga ipun Westchester. Linggihan county lan dusun pinih ageng ipun New City.^[2] County Rockland prasida kaaksés saking Thruway Negara Wagian New York, sané ngalintangin Tukad Hudson nuju Westchester ngentasin Kreteg Tappan Zee ring duur Tappan Zee, dasa lawang medal saking pawatesan NYC; lan Parkway Palisades, papat lawang medal nuju duur, ngentasin Kreteg George Washington. Aran county mawit saking "tanah mabatu" (Inggris: rocky land), sapunapi wawengkon punika sampun kapidartayang sapatutné, makéhan santukan olih Palisades Tukad Hudson. County niki pinaka pahan saking wawengkon Lebah Hudson ring negara wagian.