I.M.Pei

Si Ieoh Ming Pei, FAIA, RIBA[1] (26 Abril 1917 – 16 Mayo 2019) sarong Tsino-Amerikanong arkitekto, namundag sa Guangzhou alagad nagdakula sa Hong Kong asin Shanghai.^[1]

An mga magurang niya iyo si Tsuyee asin Lien Kwun. An ama niya an trabaho yaon sa banko alagad an yaman kan kapag'araki niya nagyaman sa paggibo asin pagtinda nin mga bulong na herbal. An napangagom niya iyo si Eileen Loo (kinasal, 1942; nagadan, 2014) asin apat an aki ninda na saro na diyan iyo si Li Chung Pei, bisto sa apod na Sandi, asin saro man na arkitekto.^[2]

Kan 1935, an pamilya niya naghubo' sa Amerika asin siya nag'entra sa University of Pennsylvania. Daing gayo nagustohan an buhay sa unibersidad, siya naghubo asin nagklase sa Massachusetts Institute of Technology (MIT) kun saen naglaog siya sa programa nin engineering, alagad an dekano sa arkitektura sa nasabing instituto naheling an abilidad niya sa pagdesenyo asin pigsabihan siya na mas marhay kun siya magbalik sa arkitektura. Siya nag'adal man sa Harvard University. ^[3]

Si Pei bantog na gayo sa saiyang ginibong desinyo na pyramid na salming sa atubangan kan Museo nin Louvre sa Paris, Pransya saka an East Building kan National Gallery of Art sa Washington, Estados Unidos.^[4][5][6]

• John F. Kennedy Library, Boston
• National Gallery of Art East Building
• Louvre Pyramid, Paris
• Bank of China Tower, Hong Kong
• Museum of Islamic Art, Doha
• Indiana University Art Museum
• Herbert F. Johnson Museum of Art
• Rock and Roll Hall of Fame
• Miho Museum

• Royal Gold Medal
• AIA Gold Medal
• Presidential Medal of Freedom
• Pritzker Prize
• Praemium Imperiale

Sarong tamboan an artikulong ini. Makakatabang ka sa Wikipedia sa pagpoon kaining pahina.

]]