Vitali Balasanyan
| Vitali Balasanyan | |
|---|---|
| erm. Վիտալի Միխայիլի Բալասանյան | |
 | |
| Şəxsi məlumatlar | |
| Doğum tarixi | 5 mart 1959 (65 yaş) |
| Doğum yeri | |
| Təhsili | |
| Fəaliyyəti | siyasətçi |
| Hərbi xidmət | |
| Mənsubiyyəti | Dağlıq Qarabağ Respublikası |
| Qoşun növü | Qondarma Dağlıq Qarabağ Müdafiə Ordusu |
| Döyüşlər | |
| Rütbəsi | general-mayor |
 Vikianbarda əlaqəli mediafayllar | |
Vitali Mikaeloviç Balasanyan (erm. Վիտալի Բալասանյան; 5 mart 1959, Əsgəran, DQMV) — tanınmayan DQR-nin hərbçisi, siyasətçi, ictimai xadim, DQMV qondarma Milli Şurasının deputatı, tanınmaməş dövlətin general-mayoru. Birinci Qarabağ müharibəsindəki xidmətlərinə görə qondarma DQR tərəfindən "Artsax qəhrəmanı" adını almışdır. Xocalı soyqırımında iştirak etmişdir.[1]
Təhsili
[redaktə | mənbəni redaktə et]Vitali Balasanyan 1976-cı ildə Əsgəranda orta məktəbi bitirmişdir. Yezidi kürdüdür. 1977–1979-cu illərdə sovet ordusunda xidmət etmişdir. 1990-cı ildə İrəvanda Kooperativ Ticarət Texnikumunu, 2011-ci ildə Ermənistan Dövlət İqtisad Universitetini bitirmişdir.
Hərbi karyerası
[redaktə | mənbəni redaktə et]Vitali Balasanyan 1988-ci ildə Əsgərənda erməni özünümüdafiə dəstələrindən birinə rəhbərlik etmişdir. 1990-cı ildə Əsgəran rayonunun özünümüdafiə qüvvələrinin komandiri seçilmişdir. 1996–1998-ci illərdə diviziya komandiri, 1998–1999-cu illərdə tanınmayan DQR Müdafiə Ordusunun komandirinin müavini, 1999-cu ilin sentyabrından 2005-ci ilə qədər isə tanınmayan DQR-nin müdafiə nazirinin müavini olmuşdur. 2000–2005-ci illərdə "Arsax Müharibəsi Veteranları Birliyi" ictimai təşkilatına rəhbərlik etmişdir. 2000-ci ildə general-mayor rütbəsi almışdır. Əsgəran rayonundan kənarda da bir sıra hərbi əməliyyatlarda iştirak etmişdir (Ağdam döyüşü, Horadiz əməliyyatı və s.). 2002-ci ildə "Arsax Qəhrəmanı" adına layiq görülmüşdür.
Vitali Balasanyan 2016-cı ilin aprel ayında Qarabağda baş verən Dördgünlük müharibədə də iştirak etmişdir.
Siyasi karyerası
[redaktə | mənbəni redaktə et]1991-ci ildə Vitali Balasanyan Dağlıq Qarabağ Respublikası Ali Sovetinin birinci çağırışının, 2005-ci ildə "Daşnaksütun-Hərəkat 88"-in siyahısı ilə Arsax parlamentinin, 2010-cu ildə EİF Daşnaksütunun proporsional siyahısı ilə Arsax Milli Şurasının deputatı seçilmişdir. 2007–2010-cu illərdə tanınmayan DQR-nin prezidentinin məsləhətçisi olmuşdur. 28 aprel 2012-ci ildə tanınmayan DQR prezidenti postuna namizədliyini irəli sürmüş və 2012-ci ildə keçirilən prezident seçkilərində 32,5 % səs toplayaraq (22 966 nəfər), 66,7 % səs almış Bako Saakyana uduzmuşdur.[2][3][4]
İstinadlar
[redaktə | mənbəni redaktə et]- ↑ "Qasımovlar ailəsi Balasanyanın həbsini gözləyir". Qafqazinfo. 30 sen 2023. 2023-10-03 tarixində arxivləşdirilib. İstifadə tarixi: 2023-10-03.
- ↑ "В никем не признанном Нагорном Карабахе состоялись выборы президента". NEWSru.com. 19 iyl 2012. 2022-09-13 tarixində arxivləşdirilib. İstifadə tarixi: 2022-10-04.
- ↑ "На выборах в непризнанной Нагорно-Карабахской республике лидирует действующий президент". NEWSru.com. 20 iyl 2012. 2022-10-07 tarixində arxivləşdirilib. İstifadə tarixi: 2022-10-04.
- ↑ "Президентом непризнанного Нагорного Карабаха переизбран Бако Саакян". NEWSru.com. 20 iyl 2012. 2022-10-04 tarixində arxivləşdirilib. İstifadə tarixi: 2022-10-04.
Xarici keçidlər
[redaktə | mənbəni redaktə et]- 5 martda doğulanlar
- 1959-cu ildə doğulanlar
- Yaşayan insanlar
- Əsgəranda doğulanlar
- Ermənistan Dövlət İqtisad Universitetinin məzunları
- Əlifba sırasına görə vəzifəli şəxslər
- Ermənistan hərbçiləri
- Aprel döyüşləri iştirakçıları
- Ermənistan tərəfindən Birinci Qarabağ müharibəsi iştirakçıları
- Xocalı soyqırımını törədənlər