Nəsib Nəsibli

Nəsib Nəsibli
Azərbaycan Respublikasının Milli Məclisi III çağırış deputatı
2005 – 2010
Seçki dairəsi	2005 — 34 saylı Xətai ikinci
Əvvəlki	Vəzifə təsis edildi.
Sonrakı	Gülər Əhmədova
Müsavat Partiyasının xarici əlaqələr üzrə katibi
1994 – 1996
Başqan	İsa Qəmbər
Azərbaycan Respublikasının İran İslam Respublikasındakı Fövqəladə və səlahiyyətli səfiri
17 avqust 1992 – 24 yanvar 1994
Əvvəlki	Vəzifə təsis edildi.
Sonrakı	Əliyar Səfərli
Şəxsi məlumatlar
Doğum adı	Nəsib Loğman oğlu Nəsibli
Doğum tarixi	15 sentyabr 1956(1956-09-15) (68 yaş)
Doğum yeri	Aşağı Qoşakilsə, Bolnisi rayonu, Gürcüstan SSR, SSRİ
Partiya	Müsavat Partiyası (1992–2014), Azərbaycan Xalq Cəbhəsi (–1992)
Təhsili	Bakı Dövlət Universitetinin Tarix fakültəsi
Fəaliyyəti	diplomat, tarixçi, universitet müəllimi[d], müəllif, siyasətçi
Vikianbarda əlaqəli mediafayllar

Nəsib Loğman oğlu Nəsibli (15 sentyabr 1956, Aşağı Qoşakilsə, Bolnisi rayonu) — Azərbaycan Respublikasının Milli Məclisi III çağırış deputatı, tarix elmləri doktoru.

Nəsib Nəsibli 1956-cı il sentyabrın 5-də Gürcüstanın Bolnisi rayonunun Qoşakilsə kəndində anadan olmuşdur. Azərbaycan Dövlət Universitetinin tarix fakültəsini bitirmişdir. 1978-ci ildən Azərbaycan EA-nın Şərqşünaslıq İnstitutunda baş laborant, kiçik elmi işçi, elmi işçi, 1987-ci ildən İran İslam Respublikasında istilik-elektrik stansiyasının tikintisində tərcüməçi, 1988-ci ildən Azərbaycan EA-nın Şərqşünaslıq İnstitutunda elmi işçi, Tarix İnstitutunda şöbə müdirinin müavini, şöbə müdiri işləmişdir.

1994–2002-ci illərdə Bakı Asiya Universitetində dosent, Xəzər Universitetində professor, kafedra müdiri, dekan vəzifələrində çalışmışdır. 1997–1998 və 2002–2003-cü illərdə ABŞ-nin Çikaqo və Con Hopkins universitetlərində işləmişdir.

Tarix elmləri doktorudur. 5 monoqrafiyanın və 100-dən çox elmi məqalənin müəllifidir. İngilis, fars, rus və fransız dillərini bilir.

Evlidir, iki övladı var.

Azərbaycan Xalq Cəbhəsi Ali Məclisinin üzvü olmuş, eyni zamanda Müsavat Partiyasının bərpa edilməsi işində çalışmışdır. 1989–1992-də Azərbaycan Milli Demokratik Partiyası "Yeni Müsavat"a başçılıq etmişdir. Müsavat Partiyası Bərpa Mərkəzinin birinci katibi olub. 1994–1996-da Müsavat Partiyasının xarici əlaqələr katibi vəzifəsində işləyib.

1992–1994-cü illərdə Azərbaycan Respublikasının İran İslam Respublikasında səfiri olmuşdur. 2005-ci ildə 3-cü çağırış Milli Məclisə keçirilən seçkilər zamanı qalib gələrək deputat mandatı almışdır. Milli Məclisin Beynəlxalq münasibətlər və parlamentlərarası əlaqələr komitəsinin üzvüdür.

2 noyabr 2014-cü ildə Müsavat Partiyasından istefa vermişdir.^[1]

• Azərbaycan Demokratik Respublikası (məqalələr və sənədlər). Bakı: Elm, 1990;
• Azərbaycanın xarici siyasəti (1918–1920). Bakı: Ay-Ulduz, 1996;
• Bölünmüş Azərbaycan, bütöv Azərbaycan (məqalələr toplusu). Bakı: Ay-Ulduz, 1997;
• İranda Azərbaycan məsələsi (XX əsrin 60-70-ci illəri). Bakı: Ay-Ulduz, 1997;
• Azərbaycanın geopolitikası və neft. Bakı: Xəzər Universiteti, 2000;
• Azərbaycan Demokratik Respublikasının xarici siyasəti (dərs vəsaiti). Bakı: Qanun, 2011;
• Güneyli-Quzeyli məsələlərimiz. Bakı: Aypara, 2013;
• Güney ile Kuzey Azerbaycan sorunları. Ankara: Tebaren, 2017;
• Kuzey Azerbaycan İstiklalden İkinci İşgale (1918–1920). Ankara: Altınordu Yayınları, 2018;
• Azerbaycan Tarihi Millet-Devlet-Siyaset. Ankara: Altınordu Yayınları, 2019;
• Azerbaycan Tarihi Millet-Devlet-Siyaset. Ankara: Altınordu Yayınları, 2021 (ikinci nəşri);
• Azərbaycan tarixi: Millət-Dövlət-Siyasət. Bakı: Qanun, 2022;
• Türkçü düşüncənin əsasları. Bakı: Qanun, 2023.

• "Nəsib Nəsibli". Haqqinda.az. Archived from the original on 2016-03-05. İstifadə tarixi: 2 oktyabr 2015.
• Ətəkyazının elektron kitabları: Nəsib Nəsibli