Mariya Tek

Mariya Tek
ing. Victoria Mary Augusta Louise Olga Pauline Claudine Agnes of Teck
Şəxsi məlumatlar
Doğum adı	Princess Victoria Mary Augusta Louise Olga Pauline Claudine Agnes of Teck
Doğum tarixi	26 may 1867(1867-05-26)[1][2][…]
Doğum yeri	Kensinqton, Midlseks[d], İngiltərə, Böyük Britaniya və İrlandiya Birləşmiş Krallığı
Vəfat tarixi	24 mart 1953(1953-03-24)[1][2][…] (86 yaşında)
Vəfat yeri	Marlboro-haus[d]
Vəfat səbəbi	ağciyər xərçəngi
Dəfn yeri	Müqəddəs Corc kilsəsi[d]
Həyat yoldaşı	V Georq (6 iyul 1893–20 yanvar 1936)[3]
Uşaqları	VIII Eduard[3], VI Georq[3]
Təltifləri
Monoqram
İmzası
Vikianbarda əlaqəli mediafayllar

Mariya Tek (ing. Mary of Teck ; kraliça Mariya, ing. Queen Mary, tam adı — Victoria Mary Augusta Louise Olga Pauline Claudine Agnes — Viktoriya Mariya Avqusta Luiza Olqa Paulina Klodina Aqnessa; 26 may 1867 – 24 mart 1953) — kral V Georqun həyat yoldaşı, krallar VIII Eduard və VI Georqun anası. O həmçinin Hindistanın imperatriçası və İrlandiyanın kraliçası olub (1910-cu ildən).

Mariyanın atası, şahzadə Frans, alman knyaz ailəsinin nümayəndəsi idi. Anadan olandan " şahzadə Mey " İngiltərə ilə sıx bağlı olub. O Londonda dünyaya gəlib, onun anası Böyük Britaniya kralı III Georqun nəvəsi, Kembric hersoqu Adolf Frederikin qızı olub.

1891-ci ildə o kraliça Viktoriyanın böyük nəvəsi Albert Viktorla nişanlanır. Ancaq toya ay yarım qalmış 1892-ci ilin yanvarında Albert qripdən qəflətən vəfat edir. Yas mərasimlərində onun Albertin kiçik qardaşı Georqla yaxın münasibətləri yaranır və onlar növbəti il evlənirlər. Əri taxta çıxana qədər isə o Uels şahzadəsi və Kornuol hersoginyası (1901–1910) və York hersoginyası (1893–1901) titullarını daşıyırdı.

Onun şərəfinə gəmilər adlandırılmışlar: Queen Mary, Queen Mary 2 gəmiləri və Queen Mary freqatı.

Mariya tek və V Georqun övladları:

• VIII Eduard (23 iyun 1894 – 28 may 1972), Uollia Simpsonla kəbindən sonra taxt-tacdan əl çəkib.
• VI Georq (14 dekabr 1895 – 6 fevral 1952), 1936–1952-ci il tarixdə Böyük Britaniyanın kralı, 1923-cüildə Yelizaveta Bouz-Layonla evləndi.
• Şahzadə Matiya (25 aprel 1897 – 28 mart 1965).
• Hersoq Qenri (31 mart 1900 – 10 iyun 1974).
• Georq (20 dekabr 1902 – 25 avqust 1942).
• Con (12 iyul 1905 – 18 yanvar 1919), epilepsiyadan vəfat edib.