Maksim Mirzoyan

Vikipediya, azad ensiklopediya
Naviqasiyaya keç Axtarışa keç
Maksim Mirzoyan
Şəxsi məlumatlar
Doğum tarixi 19 iyul 1947(1947-07-19)
Doğum yeri
Vəfat tarixi 30 oktyabr 2022(2022-10-30) (75 yaşında)
Təhsili
Fəaliyyəti siyasətçi
Təltifləri Mxitar Qoş medalı

Maksim Mikayeli Mirzoyan (erm. Մաքսիմ Միքայելի Միրզոյան; 19 iyul 1947, Stepanakert – 30 oktyabr 2022) — Ermənistan hərbçisi və siyasətçisi, Birinci Qarabağ müharibəsinin iştirakçısı, Xocalı soyqırımını törədənlərdən biri, Qondarma DQR Milli Məclisinin IV çağırış deputatı.

Həyatı

[redaktə | mənbəni redaktə et]

Maksim Mikayeli Mirzoyan 19 iyul 1947-ci ildə Azərbaycan SSR-nin Xankəndi şəhərində anadan olmuşdur. 1965-ci ildə Xankəndi şəhər 3 saylı orta məktəbi bitirmişdir. 1966-cı ildə Azərbaycan Politexnik İnstitutunun Mexanika fakültəsinə daxil olmuşdur. 1971-ci ildə "Sevanşin" trestinin avtomobil yığma stansiyasında böyük dispetçer, baş mexanik, sonra istismar şöbəsinin rəisi olmuşdur.

1975–1978-ci illərdə Xankəndi MTVM-nin baş mühəndisi olub. 1977–1991-ci illərdə ardıcıl dörd dəfə Xankəndi şəhər sovetinin deputatı seçilmişdir. 1978–1979-cu illərdə Xankəndi Səhiyyə və Əmək Müfəttişliyi İdarəsinin əməliyyat şöbəsinin müdiri olmuşdur. 1979–1988-ci illərdə Xankəndi Əmək Müfəttişliyi İdarəsinin 2718 saylı karvanının rəisi olmuşdur.

Mirzoyan Qarabağ hərəkatının əsas təşkilatçılarından biri olmuşdur.[1][2] O, Qarabağ problemi ilə bağlı qırx dəfədən çox beynəlxalq konfranslarda iştirak etmişdi. Mirzoyan Sovet İttifaqı Kommunist Partiyası Mərkəzi Komitəsinin Siyasi Bürosu və SSRİ hökumətinin demək olar ki, bütün üzvləri ilə otuz beş dəfə görüşmüşdü.

1988-ci ildən 1991-ci ilin noyabrına kimi Xankəndi Şəhər Xalq Deputatları Soveti İcraiyyə Komitəsinin sədri olub. 1988-ci ildə "Krunk" komitəsinin idarə heyətinin üzvü seçilmişdir. 1989-cu ildə Dağlıq Qarabağ Milli Şurasının üzvü seçilmişdir. 28 dekabr 1991-ci ildə 29 saylı Daşbulaq seçki dairəsindən Qondarma Dağlıq Qarabağ Respublikası Ali Sovetinin I çağırış deputatı seçilmişdir. Xarici əlaqələr daimi komissiyasının üzvü idi.[3] 1992-ci ildə Qondarma Dağlıq Qarabağ Respublikası hökumətinin xarici əlaqələr şöbəsinin müdiri olmuşdur. 1992–1995-ci illərdə Qondarma Dağlıq Qarabağ Respublikası Ali Soveti sədrinin müşaviri olmuşdur. Xocalı soyqırımını törədənlərdən biridir.[4]

1995–1996-cı illərdə "Daşnaksutyun"un Artsax Fondunun icraçı direktoru, 1996–1999-cu illərdə isə "Şinarar" MMC-nin nəqliyyat xidmətinin rəhbəri olmuşdur. 18 iyun 2000-ci ildə 7 saylı Xankəndi seçki dairəsindən III çağırış Qondarma Dağlıq Qarabağ Respublikası Milli Məclisinin deputatı seçilmiş[5][6] və Milli Məclisin Xarici Əlaqələr Daimi Komitəsinin üzvü olmuşdur.[7] 2000–2003-cü illərdə "Tüfengiyan" Fondunun, 2003–2010-cu illərdə isə "Artsaxqaz" QSC-nin direktoru olmuşdur. 19 iyun 2005-ci ildə 5 saylı Xankəndi seçki dairəsindən IV çağırış Qondarma Dağlıq Qarabağ Respublikası Milli Məclisinin deputatı seçilmişdir. Xarici əlaqələr daimi komissiyasının üzvü idi. 2011-ci ildən "Atavank" MMC-nin baş direktorudur. 2011–2012-ci illərdə Xankəndi "Avtoservis" QSC-nin direktoru olub.

Bitərəf olmuşdur.[8] Ailəli idi, üç övladı var. Maksim Mirzoyan 30 oktyabr 2022-ci ildə vəfat edib.[9][10][11][12]

Mükafatları

[redaktə | mənbəni redaktə et]
  • "Mxitar Qoş" medalı (27 mart 2003-cü il)
  • "Mesrop Maştots" ordeni (30 avqust 2011-ci il)

İstinadlar

[redaktə | mənbəni redaktə et]
  1. ↑ "Մահացել է արցախյան շարժման առաջամարտիկ Մաքսիմ Միրզոյանը". Civic (amhar). 2023-08-24 tarixində arxivləşdirilib. İstifadə tarixi: 2023-08-24.
  2. ↑ "Մահացել է արցախյան շարժման առաջամարտիկ Մաքսիմ Միրզոյանը". lurer.com. 2023-08-24. 2023-08-24 tarixində arxivləşdirilib. İstifadə tarixi: 2023-08-24.
  3. ↑ "28 դեկտեմբերի 1991թ. | ԼՂՀ Կենտրոնական ընտրական հանձնաժողով" (rus). 2020-05-06 tarixində arxivləşdirilib. İstifadə tarixi: 2023-08-24.
  4. ↑ "Глава Минобороны Армении может быть привлечен к ответственности за причастность к Ходжалинскому геноциду". 1news.az. 2023-10-03 tarixində arxivləşdirilib. İstifadə tarixi: 2023-10-03.
  5. ↑ "Մահացել է ԼՂՀ ԳԽ 3 գումարումների պատգամավոր Մաքսիմ Միրզոյանը. Աթրուր Թովմասյանի ցավակցականը". news.am (erməni). 2023-08-24. 2023-08-24 tarixində arxivləşdirilib. İstifadə tarixi: 2023-08-24.
  6. ↑ "Արցախի ԱԺ նախագահը ցավակցական ուղերձ է հղել ԼՂՀ ԳԽ 3 գումարումների պատգամավոր Մաքսիմ Միրզոյանի մահվան առթիվ". armenpress.am (erməni). İstifadə tarixi: 2023-08-24.
  7. ↑ "18 հունիսի 2000թ. | ԼՂՀ Կենտրոնական ընտրական հանձնաժողով" (rus). 2023-08-24 tarixində arxivləşdirilib. İstifadə tarixi: 2023-08-24.
  8. ↑ "Ազգային ժողովի մեծամասնական ընտրակարգով առաջադրված թեկնածուները" (PDF). cecnkr.am. 24.08.2023. 2023-09-20 tarixində arxivləşdirilib (PDF). İstifadə tarixi: 2023-10-03.
  9. ↑ "Կյանքից հեռացել է Արցախի ԱԺ-ի նախկին պատգամավոր Մաքսիմ Միրզոյանը - MediaLab Newsroom-Laboratory" (ingilis). 2023-08-24 tarixində arxivləşdirilib. İstifadə tarixi: 2023-08-24.
  10. ↑ "Մահացել է Մաքսիմ Միրզոյանը". www.lragir.am. 24.08.2023. 2023-08-24 tarixində arxivləşdirilib. İstifadə tarixi: 2023-10-03.
  11. ↑ "Մահացել է արցախյան շարժման առաջամարտիկ Մաքսիմ Միրզոյանը". Armtimes.com (erməni). 2023-08-24 tarixində arxivləşdirilib. İstifadə tarixi: 2023-08-24.
  12. ↑ "Կյանքից հեռացել է Արցախյան շարժման առաջամարտիկ Մաքսիմ Միրզոյանը". artsakhpress.am. 2023-08-24 tarixində arxivləşdirilib. İstifadə tarixi: 2023-08-24.

Xarici keçidlər

[redaktə | mənbəni redaktə et]
Mənbə — "https://az.wikipedia.org/w/index.php?title=Maksim_Mirzoyan&oldid=7663074"