Möhsün Poladov

Möhsün Poladov
Azərbaycan SSR kənd təsərrüfatı naziri
10 mart 1959 – 16 mart 1961
Əvvəlki	Həsən Seyidov
Sonrakı	Ələkbər Quliyev
Azərbaycan SSR naziri
5 oktyabr 1957 – 10 mart 1959
Azərbaycan SSR Dövlət Plan Komissiyası sədrinin birinci müavini
1954 – 5 oktyabr 1957
Əvvəlki	Əli İbrahimov
Sonrakı	Cəmaləddin Maqomayev
Gəncə Vilayət Zəhmətkeş Deputatları Soveti İcraiyyə Komitəsi sədrinin müavini
28 may 1952 – 17 aprel 1953
Sədr	Sadıq Rəhimov
Azərbaycan SSR sovxozlar naziri
24 mart 1947 – 20 iyul 1950
Əvvəlki	nazirlik təsis edilib
Sonrakı	Soltan Mirzəyev
Azərbaycan SSR heyvandarlıq naziri
19 iyun 1946 – 22 mart 1947
Əvvəlki	nazirlik yaradılıb
Sonrakı	nazirlik ləğv edilib
Şəxsi məlumatlar
Doğum tarixi	1 may 1905(1905-05-01)
Doğum yeri	Ağköynək, Qazax qəzası, Yelizavetpol quberniyası, Rusiya imperiyası
Vəfat tarixi	11 aprel 1966(1966-04-11) (60 yaşında)
Vəfat yeri	Bakı, Azərbaycan SSR, SSRİ
Dəfn yeri	I Fəxri Xiyaban
Partiya	Sovet İttifaqı Kommunist Partiyası
Fəaliyyəti	dövlət xadimi
Təltifləri	1946 06.11.1945

Möhsün (Mövsüm) Musa oğlu Poladov (1 may 1905, Ağköynək, Qazax qəzası – 11 aprel 1966, Bakı) — dövlət xadimi, Uzun illər Azərbaycan SSR kənd təsərrüfatı naziri, Azərbaycan Kənd Təsərrüfatı İnstitutunun keçmiş rektoru.

1905-ci ildə Qazax qəzasının Ağköynək kəndində anadan olmuşdur. Azərbaycanda sovet hakimiyyəti qurulduqdan az sonra o, Qazax Müəllimlər Seminariyasına daxil olmuşdur. Bir müddət Gəncədə müəllimlik etdikdən sonra isə Bakıya gəlmişdir. Burada o, Azərbaycan SSR Lenin Kommunist Gənclər İttifaqı Mərkəzi Komitəsinin aparatında işləyərək Zaqafqaziya Pambıqçılar İnstitutunda təhsili davam etdirmişdir. İnstitutu aqronomluq ixtisası üzrə bitirdikdən sonra Möhsün Poladov Azərbaycan SSR Xalq Torpaq Komissarlığında kadrlar şöbəsində işləmiş, kənd təsərrüfatını mexanikləşdirməyə dair rayonlararası məktəbə rəhbərlik etmişdir.^[1]

1937-ci ildə Möhsün Poladov Azərbaycan Kənd Təsərrüfatı İnstitutuna direktor təyin edilmişdir. Böyük Vətən müharibəsinin ilk günlərindən könüllü olaraq cəbhəyə yollanaraq Sovet Ordusu tərkibində Krım cəbhəsində döyüşlərdə iştirak etmiş, "Döyüş xidmətlərinə görə" medalı ilə təltif edilmişdir.^[1]

1938–1941 və 1953–1954-cü illərdə AKTİ-nin rektoru olmuşdur.

Möhsün Poladov Azərbaycan Kommunist Partiyası Mərkəzi Komitəsinin üzvü olmuşdur. "Qırmızı əmək bayrağı" ordeni və 2 dəfə "Şərəf nişanı" ordeni və SSRİ medalları ilə təltif edilmişdir.^[2]

Möhsün Poladov 11 aprel 1966-cı ildə vəfat etmiş^[2] və Bakıda Birinci Fəxri Xiyabanda dəfn olunmuşdur.

• Azərbaycan Dövlət Aqrar Universitetinin (keçmiş AKTİ, AKTA) direktor və rektorları