Dilək İmamoğlu
| Dilək İmamoğlu | |
|---|---|
| türk. Dilek İmamoğlu | |
 | |
| Doğum tarixi | 18 noyabr 1974 (50 yaş) |
| Doğum yeri | |
| Həyat yoldaşı |
|
| Uşağı | 3 |
| Təhsili | |
Dilək İmamoğlu (18 noyabr 1974, Trabzon) — Əkrəm İmamoğlunun həyat yoldaşı.
Həyatı
[redaktə | mənbəni redaktə et]Dilək İmamoğlu 18 noyabr 1974-cü ildə Trabzonda, 10 uşaqlı bir ailədə anadan olmuşdur.[1] Orta təhsilini Trabzonda aldıqdan sonra ali təhsilini İstanbul Universitetinin Turizm fakültəsində davam etdirmişdir. Bakalavr təhsilini bitirdikdən sonra dövlət idarəetmə sahəsində magistr dərəcəsini bitirmişdir. İmamoğlu Şüşə tavan sindromu sahəsində tezis yazmışdır və doktorluq işini davam etdirir.[2]
18 noyabr 1995-ci ildə Ekrem İmamoğlu ilə evlənən Dilek İmamoğlunun 1997-ci il təvəllüdlü Mehmet Səlim, 2005-ci il təvəllüdlü Semih və 2011 təvəllüdlü Beren adında üç övladı var.
Dilek İmamoğlu "əlillər yaşadıqları çətinlikləri hiss etmək və fərqindəlik yaratmaq üçün" Türkiyə Onurğa İliyi İfliclərinin Dərnəyinin vitse-prezidenti Səmra Çətinkaya ilə birlikdə əlil arabası ilə bir gün müddətində İstanbulda gəzmişdir. İmamoğluna 2014-ci ildə "fiziki məhdudiyyətli fərdlər üçün etdiyi maarifləndirmə fəaliyyəti" səbəbi ilə Türkiyə Onurğa İliyi İfliclərinin Dərnəyi tərəfindən Şükrü Sürmən Mükafatı verilmişdir.[3]
2019-cu ilin oktyabr ayında İmamoğlunun şəkli "Madame Figaro" jurnalının qapağında "İstanbulun birinci xanımı" başlığı altında yerləşdirilmişdir.[4]
2020-ci ilin yanvar ayında Dilək İmamoğlu Cümhuriyyət Xalq Partiyasının sədri Kamal Kılıçdaroğlunun xanımı Səlvi Kılıçdaroğlu ilə birlikdə Xalqların Demokratik Partiyasının keçmiş həmsədri Selahattin Demirtaşın yazdığı "Dövran" adlı kitabın teatr sərgisində iştirak etmişdir. Bu görüş Ədalət və İnkişaf Partiyası sədri və Türkiyə prezidenti Rəcəb Tayyib Ərdoğan, o cümlədən Milliyyətçi Hərəkət Partiyasının sədri Dövlət Baxçalı tərəfindən tənqid olunmuşdur.
İstinadlar
[redaktə | mənbəni redaktə et]- ↑ "Kadınlar mutlu olursa toplum da mutlu olur" Arxivləşdirilib 2020-02-13 at the Wayback Machine. sozcu.com.tr.
- ↑ "Dilek İmamoğlu kimdir? Ekrem İmamoğlu'nun eşi nereli ve kaç yaşında?" Arxivləşdirilib 2019-09-16 at the Wayback Machine. karar.com
- ↑ "4. ŞÜKRÜ SÜRMEN ÖDÜLÜ DİLEK İMAMOĞLU'NA VERİLDİ" Arxivləşdirilib 2020-02-13 at the Wayback Machine. Milliyet.
- ↑ "'İstanbul'un first lady'si denildi" Arxivləşdirilib 2020-02-13 at the Wayback Machine. www.haberturk.com