İmeni Aleksandra Kosmodemyanskoqo
| Qəsəbə | |
| İmeni Aleksandra Kosmodemyanskoqo | |
|---|---|
| rus. Имени Александра Космодемьянского | |
| 54°43′35″ şm. e. 20°21′30″ ş. u.HGYO | |
| Ölkə |
 Rusiya |
| İqtisadi rayon | Kalininqrad vilayəti |
| Şəhər | Kalininqrad |
| Tarixi və coğrafiyası | |
| Əsası qoyulub | 1278 |
| İlk məlumat | 1278 |
| Əvvəlki adları | Metqethen, Lesnoye |
| Saat qurşağı | UTC+04:00 |
| Rəqəmsal identifikatorlar | |
| Poçt indeksi | 236013 |
|
| |
 Vikianbarda əlaqəli mediafayllar | |
İmeni Aleksandra Kosmodemyanskoqo (rus. и́мени Алекса́ндра Космодемья́нского) — Rusiyanın Kalininqrad vilayətinin Kalininqrad şəhərinin Mərkəzi İnzibati Rayonunda mikrorayon. Əvvəllər alman dilində Metqethen adı ilə əvvəlcə şəhər mərkəzindən qərbdə yerləşən Köniqsberqin qəsəbəsi, sonra isə şəhərin əsas hissəsi idi.
Tarixi
[redaktə | mənbəni redaktə et]
Vistula Laqonun (Kalin ipinqrad körfəzi) şimalında,"Kaporner Heath"da yerləşən Metqethen kəndi ilk dəfə 1278-ci ildə Tevtonik ordeni salnamələrində [1] Myntigeite olaraq adı çəkilir.[2] Bu zaman Landmeister Konrad von Terberq əkin sahəsinin bir hissəsini Regune adlı prusslara verdi.[2] "Metgethen" sonuncu ad olaraq öz qızını On üç illik müharibənin komandiri və Erhard Ernst von Röderin əcdadı Kristof fon Röderlə evləndirənə qədər,yəni 1482-ci ilə qədər idi.[2] Onun malikanəsi 1760-cı ildə bir İtalyan memar tərəfindən inşa edilmişdir.[3]
Metqethen bir villa ətrafında böyüməyə başladı. Günlük səfərlər üçün məşhur bir yer idi,[1] xüsusən də Vierbrüderkrug mehmanxanası və 13-cü əsrdə Sudovilər tərəfindən öldürülmüş Tevtonik Cəngavərlərin dörd ögey qardaşının əfsanəsinin şərəfinə Vierbrüdersäule abidəsi.[4] Ətraf ərazidə Şərqi Prussiya qadınları üçün məktəb olan Landfrauenschule Metgethen, həmçinin yanğınsöndürmə akademiyası [5] və bədən tərbiyəsi müəllimləri yetişdirmək üçün bir Volkssportschule vardı.[6] Kənd üçün olan kilsə isə tacir Qustav Brun tərəfindən maliyyələşdirilmiş və 1924-1925-ci illərdə Edmund May tərəfindən inşa edilmişdir. Metqethen 1939-cu ildə Köniqsberq şəhərinə daxil edildi;[7] Metqethenin şərqində Moditten qəsəbəsi oldu.
II Dünya Müharibəsi zamanı Erix Koxun (Nasist regional partiya lideri) müttəfiqi Tilzitdən olan memar Alfred Fiedler Metqethendə ukraynalı əsirlər tərəfindən hava müdafiəsində istifadə etmək üçün sement fabriki inşa etdi.[5] 1945-ci ildə Köniqsberq döyüşü zamanı bir alman əks-hücumu Metqetheni Qırmızı Ordudan geri aldı. Alman hərbi heyəti kəndin Sovet işğalı altında olduğu üç həftə ərzində Qırmızı Ordu tərəfindən dinc sakinlərin öldürülməsinə dair dəlillərin olduğunu bildirirdi.
1946-cı ildə Şərqi Prussiya Sovet İttifaqının tərkibinə daxil olduqdan sonra bütün alman yer adları rus adları ilə əvəz edildi və Metqethen Lesnoye adlandırıldı. 1956-cı ildə 1945-ci ildə Köniqsberqin şimal-qərbindəki bir döyüşdə həlak olan Sovet müharibəsi qəhrəmanı Aleksandr Kosmodemyanskinin şərəfinə indiki adı verildi. Sonrakı illərdə o, müstəqil yaşayış yeri statusunu itirdi. Kalininqradın tərkibində qəsəbə oldu.
Məşhur insanlar
[redaktə | mənbəni redaktə et]- Erhard Ernst von Röder - Prussiya marşalı və nazir, Metqethenin malikanəsinin (Gutsherr) sahibi.
- Sibylle von Olfers - Metqethen Manorda (malikanə) anadan olmuş uşaq yazıçısı.
İstinadlar
[redaktə | mənbəni redaktə et]Xarici link
[redaktə | mənbəni redaktə et]- Official website of Kaliningrad Urban Okrug. Information about the settlement of imeni Alexandra Kosmodemyanskogo
- NewKaliningrad.ru. День поселка в Космодемьянском отпраздновали с размахом