Uve Ulsson

Uve Ulsson
Ümumi məlumatlar
Doğum tarixi	19 avqust 1938(1938-08-19)[1] (86 yaş)
Vətəndaşlığı	İsveç
Mövqeyi	hücumçu
Karyerası
Gənclik karyerası 1948–1954 Helsö Klub karyerası[* 1] 1954–1964 Göteborq 165 (101) 1965–1971 AİK 154 (23) 1972–1974 Stokholm 0 (0) Milli yığma[* 2] 1958–1959 İsveç U-21 9 (9) 1958–1965 İsveç B 5 (8) 1958–1964 İsveç 15 (6) Məşqçisi olduğu klublar 1972–1974 Stokholm 1975–1976 AİK (gənclər komandaları)
Təltif və medalları
Dünya Kuboku Gümüş 1958 İsveç
↑ Milli çempionatların müxtəlif liqalarında peşəkar klubların heyətində keçirdiyi oyunların və vurduğu qolların sayı. ↑ Rəsmi oyunlarda milli yığmanın heyətində keçirdiyi oyunların və vurduğu qolların sayı.
Vikianbarda əlaqəli mediafayllar

Sven Uve Ulsson (isv. Sven Owe Ohlsson; 19 avqust 1938^[1]) — İsveç futbolçusu və məşqçisi, hücumçu. İsveç millisi ilə 1958-ci ildə dünya çempionatının gümüş mükafatçısı.

Uve Ulsson 19 avqust 1938-ci ildə Helsöda anadan olub və 1948-ci ildə yerli eyniadlı klubda futbol oynamağa başlayıb. 1954-cü ildə o, "Göteborq" klubuna keçid etdi və 1956-cı ildə İsveç çempionatında debüt oyununa çıxdı. 1957/1958 mövsümündə Ulsson İsveç çempionluğuna nail oldu və çempionatın ikinci ən yaxşı bombardiri oldu. 1959/1960 mövsümündə "Linfild"lə matçda 5 qol vuran Uve avrokubok matçında belə nailiyyət əldə edən ilk oyunçu oldu.^[2] Ulsson “Göteborq”da doqquz il keçirdi, 165 liqa oyuna 101 qol vuraraq klub tarixində ən yaxşı bombardirlərdən biri oldu.

1964-cü ilin payızında Ulsson "AİK"-ə transfer oldu. 1965-1971-ci illərdə bu klubun tərkibində İsveç çempionatında 154 oyun keçirərək 23 qol vurdu. 1967-ci ildə o, müdafiəçi mövqeyində oynamağa başladı, buna səbəb yoldaşlıq görüşündə bu mövqedə zədəli oyunçunu əvəz etməli idi. Həmin il mayın 10-da “Hammarbü” ilə matçın 23-cü dəqiqəsində zədəli qapıçı Leif Hültun əvəzinə qapıda duraraq qapısını toxunulmaz saxladı və görüş komandasının 2:0 hesablı qələbəsi ilə başa çatdı. 1969-cu ildə "AİK" İsveç Kubokunun finalına çıxsa da, burada "Norrçöpinq"ə 1:0 hesabı ilə uduzdu. 1972-ci ildə baş məşqçi ilə fikir ayrılığına görə klubdan ayrılmış və "Stokholm"a keçid edərək futbolçu-məşqçi kimi fəaliyyətə başlayır. 1974-cü ildə isə futbolçu karyerasını orada bitirir.

Ulsson İsveç millisində debütünü 1958-ci il mayın 7-də İsveçrə ilə yoldaşlıq oyununda (3:2) etdi. Elə həmin il o, milli komandanın baş məşqçisi Corc Reynor tərəfindən İsveçdə keçirilən Dünya Kubokunda oynamaq üçün milli komandadan dəvət aldı. İsveç finalda Braziliyaya 5:2 hesabı ilə uduzdu, Ulsson isə turnirdə bir dəqiqə belə meydanda oynamadı. Ulsson milli komandadakı son oyunu 2 avqust 1964-cü ildə Şimali Avropa çempionatı çərçivəsində keçirilən və 1:0 məğlubiyyət hesabı ilə bitən Finlandiya ilə oyuna təsadüf etdi. Ümumilikdə, 1958-1964-cü illərdə İsveç millisinin tərkibində 15 oyun keçirərək 6 qol vura bilmişdir.^[3]

Göteborq

• İsveç çempionatı: 1957–58^[4]

• FİFA Dünya Kuboku finalçısı: 1958^[4]