Kwekahakew
Manawan/Wemotaci
Enko anaha awesis nipira ka kiskertakositc nehirowisi atisokanik ka tca micta nakwi icinakositc. Mictahi nipira mackowisiw kaie micta kitaweritam kecpin e pamatisitc notcimik. Mitowi masko kirika mahikan acitc kotakihi awesisik icinakosiw. Makate osawisiw kirika pemantcic wapisiskwew ote otactamikok. Itakaniwiw kirowe sakitaw wircike e pa matisitc notcimik nama kaie orina mirerimo osam aspinikotc rekimo kecpin e pakotci wamakaniwitc, mia picicikw e pamirowesitc. Patoc otehimin pisimw, mikomini pisimw wekimitowok kewirawaw. Akokatcic pisimw, nikikw pisimw aci tariwa onitcanica wec tca nicw kekotc nicto taciriwa. Nama tapwe wapamakiniw naha awesis osam e micta mikwatciparihotc.