ضدفرتيتة

ضّدفرتيتة ؤلا ضّدجسيّم (ب نݣليزية Antiparticle) هيا فرتيتة تحتدرية من ضدمادة، عندها نفس لكتلة ؤ لمزيّات لعامة ديال لفرتيتة تّحتدرية لّي كاتقابلها ف لمادة لعادية، مي كيكون عادة عندها تعميرة كهربية معاكسة. يلا تلاقات ضّدفرتيتة معا لمقابل ديالها ف لمادة لعادية كيتلاشاو بجوج ؤ كيعطيو طاقة علا شكل فوطونات د ݣاما. فاش پول ديراك دمج نّضرية د لكوانطا معا نّضرية د نّسبية لخاصة، عطاتو متساويّة كاتّسمّا متساوية ديال ديراك. ف 1928، لاحض بلي هاد لمتساوية كاتّنبأ ب لوجود ديال فرتيتة عندها نفس لمزيات ديال إيليكطرون، ولاكين تّعميرة ديالها موجبة. ف 1932، كارل أندرسون غادي يتبت بلي هاد لفرتيتة كاينة ف شّعا لكوني، ؤ هاد لفتريتة تسمات پوزيطرون، لي ولات أول ضدفرتيتة كاتّكتاشف تجريبيا.^[1]

تقدر تزيد شوف بزاف د تّصاور و لمعلومات ديال Antiparticles ف ويكيميديا كومنز.

هادي زريعة ديال مقالة خاصها تّوسع. تقدر تشارك ف لكتبة ديالها.