• [ (e)sˈtiŋ.ɣo.la ]

«estíngola»

(rexistru)

femenín singular estíngola; plural estíngoles

1. (Ictioloxía) Pexe marín de la familia de les rayes, de cuerpu aplanáu y romboidal, que pue algamar 1,80 m de llargor, de color marrón o gris escuro na parte del llombu y blanco pel vientre, de focicu arredondiáu, con un rabu llargu y finu de color negro que tien un aguiyón venenosu, de nome científicu Myliobatis aquila.
2. (Ictioloxía) Pexe marín de la familia de les rayes, de cuerpu aplanáu y romboidal, apuntiáu nel focicu y arredondiáu nes aletes pectorales, que pue algamar los 2,5 m de llargor y 1,4 m d'anchor, cola boca na zona del vientre y los güeyos na zona dorsal, de rabu llargu y finu termináu nun aguiyón venenosu qu'usa como defensa, de pelleyu suave de color lliso gris, pardo o averdodao pela parte superior, blancuxo pel vientre, y más escuro nos bordes de les aletes, de nome científicu Dasyatis pastinaca.
3. (Ictioloxía) Pexe marín escualu de cuerpu aplanáu, anchu y allargáu, que pue algamar los 180 cm de llargor, de color variable ente'l marrón abuxao y el pardu averdosao, con manchuques escures, que-y fai confundise col suelu marín, cabeza grande y arredondiada, con dos aletes dorsales pequeñes asitiaes na parte posterior del llombu, y aletes pectorales carnudes y grandes, de nome científicu Squatina squatina.

Sinónimos[editar]

• [1] raya, chuchu
• [2] bastaranga, chuchu
• [3] pexedánxel, pexe d'ánxel, momia

• Diccionariu de la Llingua Asturiana; Academia de la Llingua Asturiana, 2000, Uviéu; ISBN: 84-8168-208-X. Versión on-line.
• Nomenclátor de los seres vivos en llingua asturiana, Sabencia - Sociedá Asturiana de les Ciencies. Consulta on-line.

• Consulta l'artículu de Wikipedia.