Pronunciación y silabación: [ di.ɾe(k)ˈθjoŋ ]

femenín singular dirección; plural direcciones

1. Aición y efectu de dirixir o de dirixise, llinia física o mental que se sigue dende un puntu d'orixe o escontra un destín.
2. El sentíu o'l puntu determinaos al que se tresllada daqué o daquién.
3. Cargu de director o de directora.
4. Conxuntu de persones que dirixen daqué, como una sociedá o un departamentu d'una alministración.
5. Oficina o despachu onde trabaya un director o directora.
6. Edificiu onde s'asitia un departamentu d'una alministración.
7. El trabayu d'un director o d'una directora falando del cine o del teatru.
8. Datos qu'indiquen ónde vive daquién o ónde s'asitia daqué, qu'inclúi polo menos el nome de la cai y el númberu, el nome de la ciudá o del pueblu, y tamién el códigu postal.
9. Mecanismu que sirve pa guiar, pa controlar un vehículu.

Otres formes[editar]

• direición → forma encamentada nel DALLA

Pallabres rellacionaes[editar]

• directu ~ direutu; direccional ~ direicional; director/directora ~ direutor/direutora; dirixir

Sinónimos[editar]

• [2] rumbu, sen
• [8] señes

• Diccionariu de la Llingua Asturiana; Academia de la Llingua Asturiana, 2000, Uviéu; ISBN: 84-8168-208-X. Versión on-line.
• Diccionariu de consultes llingüístiques del asturianu, Ramón d'Andrés Díaz, Ediciones Trabe, 2021, Uviéu; ISBN: 978-84-18286-55-1.