Sonny Bono

Sonny Bono
miembru de la Cámara de Representantes de los Estaos Xuníos 7 xineru 1997 - 5 xineru 1998 Distritu: 44.º distrito congresional de California (es) Eleiciones: 1996 United States House of Representatives elections (en) miembru de la Cámara de Representantes de los Estaos Xuníos 4 xineru 1995 - 3 xineru 1997 Distritu: 44.º distrito congresional de California (es) Eleiciones: 1994 United States House of Representatives elections (en) miembru de la Cámara de Representantes de los Estaos Xuníos 3 xineru 1995 - 5 xineru 1998 ← Al McCandless - Mary Bono Mack (es) → Distritu: 44.º distrito congresional de California (es) Mayor of Palm Springs, California (en) 1988 - 1992
Vida
Nacimientu	Detroit, 16 de febreru de 1935[1]
Nacionalidá	Estaos Xuníos
Llingua materna	inglés
Muerte	Stateline (es) , 5 de xineru de 1998[1] (62 años)
Sepultura	Desert Memorial Park (es)
Causa de la muerte	accidente de esquí (es) [2]
Familia
Casáu con	Cher (1964 – 1975) Susie Coelho (1981 – 1984) Mary Bono Mack (es) (1986 – 1998)
Fíos/es	Chaz Bono
Estudios
Estudios	Inglewood High School (en)
Llingües falaes	inglés[3]
Oficiu	actor, cantante, políticu, cantautor, productor musical, actor de televisión, actor de cine, restaurador, guionista
Llugares de trabayu	Washington DC
Miembru de	Sonny & Cher
Seudónimos	Don Christy[4], Scott Christy[5] y Prince Carter[6]
Xéneru artísticu	pop
Instrumentu musical	voz
Discográfica	Atco Records
Creencies
Partíu políticu	Partíu Republicanu de los Estaos Xuníos
IMDb	nm0095122

Salvatore Phillip Bono (16 de febreru de 1935, Detroit – 5 de xineru de 1998, Stateline ^(es) ), meyor conocíu como Sonny Bono foi un actor, cantautor y políticu d'Estaos Xuníos que llevó alantre la so carrera mientres tres décades. Foi maríu de la cantante Cher, con quien formó'l dúu musical Sonny & Cher mientres diez años.

Nacíu en Detroit, Michigan fíu d'inmigrantes italianos, Jean y Santu, Bono empezó la so carrera na música trabayando pal llexendariu productor Phil Spector nos empiezos de los años 60 como promotor. Una de les sos primeres composiciones foi “Needles and Pins”. Más palantre na mesma década, algamó ésitu comercial, xunto cola so entós esposa la cantante Cher, como parte del dúu Sonny & Cher. Bono escribió, iguó, y produció dellos hits como “I Got You Babe” y “The Beat Goes On” anque Cher recibió más atención. Sonny y Cher protagonizaron un programa de televisión de variedá llamáu'l "The Sonny & Cher Comedy Hour", foi tresmitíu pola CBS de 1971 a 1977.

Bono siguió la so carrera d'actor, faciendo pequeños papeles como "Fantasy Island" y The Boat Love. Tamién fixo la parte de Joe Seluchi en "Airplane II: The Sequel y la parte de Franklin von Tussle en "Hairspray", de John Waters. Na película “Men in Black” Bono ye una de les varies celebridaes vistes nuna paré de pantalles de videu que los estraterrestres vixilen.

Dende finales de los 60 Sonny tuvo centráu na composición y producción de música pa la so esposa, algamando ésta'l númberu unu nes llistes norteamericanes y britániques en más d'una ocasión; destaquen ente ellos Bang-Bang (reeditada por Cher nel añu 1987 so la producción de Bon Jovi). Los esfuercios de Sonny na árdua xera de convertir a Cher nuna actriz d'ésitu sumieron al matrimoniu nuna bancarrota por causa de les sos inversiones en películes de baxa categoría (curiosamente Cher nel añu 1987 consiguiría un Óscar como meyor actriz principal pola película Moonstruck). Fueron rescataos por un productor de la CBS a principios de los 70 por que punxeren en marcha'l programa de variedaes The Sonny & Cher Comedy Hour, que nel momentu del so estrenu yera un programa de branu, que dexó de selo a la lluz del so enorme ésitu pa enllargase mientres delles temporaes. Convirtiéndose en líder d'audiencia selmanal mientres enforma tiempu.

A mediaos de los 70 el matrimoniu de Sonny y Cher fai agua, y de resultes los sos proyeutos de mancomún naufraguen. Siguen les sos carreres por separáu, y la carrera de Sonny Bono va perdiendo puxanza, asina'l programa televisivu d'entretenimientu de Sonny en solitariu, ye entartalláu pol de Cher na competencia; les publicaciones musicales de Sonny, fueron entartallaes tamién poles ventes de Cher en solitariu, hasta'l puntu d'acuñase una frase n'EE.XX. que dicía "Yes un Sonny ensin Cher".

Sonny sumió del mundu del espectáculu sacante la so última apaición xunto a Cher nel añu 1987 nel conocíu programa d'entrevistes de David Letterman, onde dambos remembraron la so archiconocida cantar I Got You Babe.

Bono entró na política dempués d'esperimentar una gran frustración cola burocracia del gobiernu llocal n'intentar abrir un restorán en Palm Springs, California. Col conservador presentador de radio Marshall Gilbert como'l so compañeru de campaña (y más palantre como padrín de los sos dos fíos cola so esposa, Mary), Bono emponer pa ser el nuevu alcalde de Palm Springs. La so mayor ambición yera faer de la ciudá un llugar más cómodu pa les rellaciones financieres y pa los negocios, amás de la creación del festival internacional de cine de Palm Springs, güei celebráu cada añu a la memoria de Bono.

Centráu nel campu de la política republicana aportó a congresista d'Estaos Xuníos por Palm Springs, yá que ocupaba cuando finó víctima d'un accidente d'esquí'l 5 de xineru de 1998, añu nel que paradóxicamente la so ex esposa Cher ocuparía'l Llibru Guinness de los récores por ser la muyer de mayor edá en llegar al númberu unu de la llista Billboard col so discu Believe, del que vendería 20 millones de copies en tol mundu.

• Sonny Bono: And The Beat Goes On. New York: Pocket Books 1991. ISBN 0-671-69366-2
• Joel Whitburn's Top Pop Singles, 12ª edición. Menomonee Falls WI: Record Research 2009 ISBN 0-89820-180-2 y 978-0-89820-180-2

• Biografía en Biographical Directory of the United States Congress
• Sonny Bono at the Internet Movie Database