Shine on You Crazy Diamond

Shine on You Crazy Diamond
Datos
Tipu	cantar
Álbum	Wish You Were Here
Intérprete	Pink Floyd
Idioma	inglés
Xéneru	rock progresivu
Sellu discográficu	Harvest Records (es) EMI Records (es)
Lletrista	Roger Waters, Richard Wright y David Gilmour
Compositor	Richard Wright, Roger Waters y David Gilmour
Productor	Pink Floyd
País	Reinu Xuníu
Fecha publicación	1975

Shine on You Crazy Diamond ye una composición de nueve partes de Pink Floyd que la so lletra foi escrita por Roger Waters y la so música compuesta por Waters, Richard Wright, y David Gilmour. Foi tocada per primer vegada nel tour de 1974, y grabada pal álbum conceptual de 1975 Wish You Were Here. El cantar foi fecha col enfotu de que durara tou un llau del discu como "Atom Heart Mother" y "Echoes", pero resultó más llarga de lo qu'un solu llau del vinilu dexaría, polo que foi dixebrada en dos partes de primeres y a la fin del álbum. Ye'l cantar más llargu del grupu (xuntando los sos dos partes), durando 26:11, siguida de Atom Heart Mother del álbum Atom Heart Mother, de 23:42, y de Echoes del álbum Meddle, que dura 23:34. La tema ta dedicáu a Syd Barrett, quien foi unu de los miembros orixinales de la banda.

Asocedieron dos cuesas bien estrañes mientres la grabación del álbum Wish You Were Here, dambes arreyando al cantar "Shine on You Crazy Diamond". Según David Gilmour y Nick Mason de Pink Floyd, nel episodiu Wish You Were Here de In the Studio with Redbeard, la banda grabó una toma satisfactoria, pero gracies a una nueva consola instalada en Abbey Road (estudios), un ecu escesivu de los otros preseos sobre la batería fixeron que la banda lo re-grabara. Nick Mason dixo: "Cola invención de 16 pistes y la cinta de dos pulgaes creyer por enforma tiempu qu'habría problemes editando una cinta tan grande. Consecuentemente cuando tocábamos estes pieces, facer de principiu a fin. Especialmente Roger y yo, por tocar la seición rítmica, lo que seria asitiáu primero, esto yera (riendo ente dientes) un trabayu bastante difícil porque tou tenía que tar bien". 

Per otru llau Rick Wright comentaría: "Fui al estudiu en Abbey Road, Roger taba sentáu, entemeciendo na consola y yo vi a esti gran tipu calvu sentáu detrás de Roger y nun pensé nada d'él, naquellos díes yera normal que persones estrañes vagabundearan nes sesiones. Entós Roger dixo, '¿Sabes quién ye esti tipu?, ¿sabeslo? Ye Syd'. Eso foi un gran shock, porque yo nun lu había vistu en seis años".

• Roger Waters — baxu, cantante principal, guitarra llétrica adicional na parte VIII
• David Gilmour — Fender Stratocaster, Coru, lap steel guitar na parte VI, baxu adicional na parte VI , EMS Synthi AKS
• Richard Wright — órganu Hammond, ARP String Ensemble, Mini-Moog Synthesizers, clavinet na parte VIII, Fender Rhodes na parte VIII, Pianu de cola nes partes III ya IX, Coru
• Nick Mason — batería, percusión
• Dick Parry — saxofón barítonu y saxofón tenor
• Carlena Williams — Coru
• Venetta Fields — Coru

Grabáu dende xineru a xunetu de 1975 en Abbey Road Estudios, Londres.

• Pink Floyd

• Wikimedia Commons tien conteníu multimedia tocante a Shine on You Crazy Diamond.