Seduliu Escotu
Seduliu Escotu | |
|---|---|
| Vida | |
| Nacimientu | sieglu de IX[1] |
| Nacionalidá | Imperiu carolinxu |
| Muerte | sieglu de IX[1] |
| Estudios | |
| Llingües falaes |
llatín[2] irlandés antiguu |
| Oficiu | poeta, gramáticu, filósofu, teólogu |
| Movimientu | Renacimientu carolinxu |
 | |
Seduliu Escotu ( - † 858) poeta, teólogu, filósofu, gramáticu y escritor irlandés, a quien nun hai que confundir col poeta Seduliu.
Biografía
[editar | editar la fonte]Casi nada se sabe de los sos primeros y últimos años. Llogró na so natal Irlanda una escelente formación, qu'incluyía'l dominiu del versu llatín clásicu; compunxo más d'ochenta poemes d'estilu bien personal y nos más variaos metros onde se dexen sentir reminiscencies de los paganos Virxiliu, Cicerón, Horaciu, Ovidiu al pie de alcordances de la Biblia, Lactanciu, Xuvencu y Venanciu Fortunatu. Quiciabes les frecuentes incursiones viquinges (de qu'hai ecos na so oda De strage Normannorum) lleváronlu ente 840 y 850 a treslladase al continente pola mesma dómina que Xuan Escotu, anque tamién ye posible que fuera llamáu pol intentu de renovación cultural auspiciáu por Carlomagnu, el conocíu como Renacimientu Carolinxu. Afitóse en Liexa. L'obispu Hartgaire o Hatgar (840 - 855) y el so socesor Francón acoyéronlu y quiciabes retuviéronlu ellí como profesor na escuela de San Lambertu o Saint Lambert, magar que lo más probable ye que fora a la corte, au destacó como poeta áulicu emponderando a los emperadores Lotariu I, Carlos el Calvu y Lluis el Xermánicu y a dignatarios eclesiásticos como Advenciu, obispu de Metz, y a nobles como'l conde Everardu de Friuli.
Tenía conocimientu del griegu, anque non nel grau que Xuan Escotu Eriúxena, y como ésti'l so saber yera enciclopédicu. Comentó a los gramáticos Donatu (non yá el so Ars maior, sinón el minor), Priscianu y el discípulu de Priscianu Eutixu (Ars de verbu); esplicó la Isagogé de Porfiriu y, como exexeta, escribió un Collectaneum in epistolas Pauli. Tamién nos mandó dos copies autógrafes nel Salteriu griegu (Bibl. del Arsenal de París, n° 8.047) y les Epístoles de San Pablu en griegu (Biblioteca Real de Dresde, codex boernerianus: A,145,b). Compunxo como escritor políticu un speculum principis o espeyu de príncipes pa Lotariu II de Lotarinxa, el De rectoribus christianis, en prosimetra (amiestu de prosa y versu). Otres obres sos son les Explanatiumculae o pequeños comentarios exexéticos al Nuevu Testamentu y la Expositio in epistola Hieronimi ad Damasum.
Fontes
[editar | editar la fonte]- Rubén Florio, Antoloxía del llatín cristiano y medieval: introducción y testos, EdiUNS, 2006.