Philosophiæ doctor

Philosophiæ doctor (o doctor philosophiæ, o embrivíu PhD o Ph. D., lliteralmente «doctor en filosofía») ye, nel sistema universitariu anglosaxón, el títulu más emplegáu pa un diploma de doctoráu especializáu n'investigación. El términu philosophĭa úsase nesta espresión col mesmu significáu col que s'emplegaba y difundía anantes del sieglu XX nes universidaes alemanes, y designa, acordies cola etimoloxía de la pallabra.^[1][2] l'estudiu xeneral de los conocimientos y l'amor polos mesmos.

Esti títulu popularizolu nel sieglu XIX la Universidá Friedrich Wilhelm de Berlín, que lu utilizó pa señalar un trabayu orixinal d'investigación d'un mozu investigador nel campu de les ciencies o les lletres. Esta denominación espardióse nel espaciu xérmanu y nórdico, como una forma d'estremar estos trabayos de los doctoraos daos a investigadores de mayor edá yá llargamente reconocíos polos sos méritos y de los doctoraos honoríficos.

Esta mesma denominación pasó a Estaos Xuníos en 1861, cuando entamó a emplegala la Universidá de Yale. En 1872 adoptóla la Universidá de Harvard, y dempués el so usu estendióse rápido pel territoriu d'Estaos Xuníos, Canadá y el Reinu Xuníu.

Esti títulu ye comparable a los doctoraos d'universidá, pero nunca a los doctoraos d'especialidá (o de tercer ciclu) introducíos en Francia en 1897 y 1954, yá que según les mesmes autoridaes de les universidaes que los emitieron, nun se correspuenden col nivel d'esixencia de los Doctoraos d'Estáu, y pela cueta esos doctoraos, denominaos de Tercer Ciclu, vienen ser equivalentes a un títulu de pregrado. Estes titulaciones fueron unificaes en 1984, polo que Ph.D ye güei día equivalente al Doctoráu d'Estáu francés, que son distintos a los denominaos del Tercer Ciclu o d'Especialidá, según espresen les propies autoridaes académiques de la Universidá de La Sorbona, que les sos declaraciones tán publicaes n'Internet.^[3][4]

• Mundu anglo-saxón
• Doctoráu
• Friedrich Wilhelm Leopold Pfeil

• Doctor of Philosophy (definición), sitiu dixital 'The Free Dictionary'.
• Esta obra remanez de la traducción parcial de Philosophiæ doctor de Wikipedia - francés, espublizada polos sos editores baxo la Llicencia de documentación llibre de GNU y la Llicencia Creative Commons Atribución-CompartirIgual 3.0 Unported.
• Esta obra remanez de la traducción parcial de Doctor of Philosophy de Wikipedia - inglés, espublizada polos sos editores baxo la Llicencia de documentación llibre de GNU y la Llicencia Creative Commons Atribución-CompartirIgual 3.0 Unported.