Paula Prentiss
Paula Prentiss | |
|---|---|
 | |
| Vida | |
| Nacimientu | San Antonio, 4 de marzu de 1938[1] (86 años) |
| Nacionalidá |
 Estaos Xuníos |
| Familia | |
| Casada con | Richard Benjamin (1961 – ) |
| Fíos/es | Prentiss Benjamin |
| Hermanos/es | Ann Prentiss |
| Estudios | |
| Estudios |
Universidá Northwestern Northwestern University School of Communication (en)  Escuela Preparatoria Mirabeau B. Lamar (es) |
| Oficiu | actriz de cine |
| IMDb | nm0696038 |
 | |
Paula Prentiss (4 de marzu de 1938, San Antonio) ye una actriz d'Estaos Xuníos conocida por películes como Where the Boys Are, Man's Favorite Sport?, The Stepford Wives, The Black Marble y The Parallax View.
Carrera
[editar | editar la fonte]Prentiss diose a conocer como actriz cómica por películes como Where the Boys Are, The Honeymoon Machine, Bachelor in Paradise y The Horizontal Lieutenant, onde facía pareya col actor Jim Hutton. Más tarde protagonizó xunto a Rock Hudson la comedia de Howard Hawks Man's Favorite Sport?; en The World of Henry Orient y What's New Pussycat? alternó con Peter Sellers; intervieno en Catch-22 y Last of the Red Hot Lovers con Alan Arkin, y actuó en In Harm's Way xunto a John Wayne y Kirk Douglas, en Move al llau d'Elliott Gould, en The Parallax View con Warren Beatty, y en Buddy Buddy, la última película de Billy Wilder, xunto a Jack Lemmon, Walter Matthau y Klaus Kinski.
En 1967, Prentiss y el so maríu, el direutor y actor Richard Benjamin, protagonizaron por una temporada la "sitcom" de CBS He & She, qu'aportó a teleserie de cultu pola so modernidá, l'humor adelantráu a la so dómina y la so sofisticación, anunciando l'apaición de series como El show de Mary Tyler Moore. Por esti trabayu Prentiss foi nomada al premiu Emmy a Meyor Actriz de Comedia. Arriendes d'actuar en dellos filmes fechos pa la televisión, en 1981 l'actriz interpretó a Sonia Drácula, esposa del célebre vampiru (interpretáu por Dick Shawn) nel pilotu de la frustrada serie Mr. and Mrs Dracula.
Familia
[editar | editar la fonte]Paula y Richard tán casaos dende 1961 y son padres de Ross Benjamin y Prentiss Benjamin, tamién actores. La hermana de Paula, Ann Prentiss (1939-2010), yera tamién actriz, ya intervieno en numberoses teleseries y el filme de Robert Altman, California Split, ente otros.
Referencies
[editar | editar la fonte]- ↑ Afirmao en: Gemeinsame Normdatei. Data de consulta: 27 abril 2014. Llingua de la obra o nome: alemán. Autor: Biblioteca Nacional d'Alemaña.
