Papiru dramáticu del Ramesseum

Papiru dramáticu del Ramesseum

Tipu	papiro (es)
Periodu	Antiguu Exiptu
Material	papiru

El papiru dramáticu del Ramesseum, papiru Ramesseum B o Papiru B) ye un papiru de la dómina de la dinastía XII d'Exiptu descubiertu en 1896, ente un conxuntu de testos médicos, por James Edward Quibell na "tumba del magu", probablemente, la tumba de fuesa d'un sacerdote llector, del Ramesseum. Un fragmentu del rollu, foi-y concedíu al Muséu Británicu por Alan Gardiner, en 1929.^[1]

El papiru ta escritu nel rectu, en xeroglíficu llinial y difier de los papiros médicos. Ye llamáu papiru dramáticu porque contién cuarenta y seis escenes de testu, complementaes por trenta y un viñetes con escenes que representen les instrucciones pa una lliturxa n'honor de Sesostris I, c. 1971 e. C., probablemente los rituales pa la coronación del faraón, con anotaciones sobre los sos precedentes míticos y significáu divín. El testu ta presentáu en forma de columnes verticales qu'alternen colos dibuxos, títulos y dalgún testu horizontal. Pal historiador André Degaine, sería daqué según los "cuadiernos d'un direutor teatral" onde entren lo qu'hai que recitar, los retruques, les acotaciones escéniques o les ilustraciones de puesta n'escena.^[2] En 1928, Kurt Sethe publicó un estudiu sobre'l papiru dramáticu del Ramesseum y la piedra de Shabako, comentáu en 1954 por Étienne Drioton. Les sos conclusiones dexaron atestiguar, a partir d'estos documentos, la esistencia d'un teatru del Antiguu Exiptu próximu, en dalguna forma, a los misterios de nuesa Edá Media. Estos supuestos, sicasí, son aldericaos por otros autores, por cuenta de la rareza de los fragmentos estudiaos. Este ye'l casu de David Lorand que lo ve más nun contestu de propaganda, xustificando la llegada de Sesostris I dempués del asesinatu del so padre.^[3]

• (1928). Dramatische Texte zu Altaegyptischen Mysterienspielen, II. Der dramatische Ramesseum-papyros : Ein Speil zur Thronbesteigung des Königs. J. C. Hinrichs, páx. 81-264.