Lillo Brancato

Lillo Brancato
Vida
Nacimientu	Estaos Xuníos, 30 de marzu de 1976 (48 años)
Nacionalidá	Colombia
Estudios
Estudios	Mount Saint Michael Academy (en)
Llingües falaes	castellanu
Oficiu	actor, actor de cine, actor de televisión
IMDb	nm0000969

Lillo Brancato (30 de marzu de 1976, Estaos Xuníos)^[2] ye un actor d'Estaos Xuníos. Ye conocíu pol so papel como Calogero Anello en A Bronx Tale (1993), el debú como direutor de Robert De Niro. Amás interpretó al mozu gánster Matthew Bevilaqua na serie The Sopranos. Nel añu 2005 foi acusáu d'asesinatu en segundu grau pola so participación nun robu nel Bronx, Nueva York, onde un oficial de policía que s'atopaba fora de serviciu, Daniel Enchautegui, confrontó a dos lladronos y perdió la vida nun tirotéu. Brancato foi absueltu d'asesinatu, pero foi condergáu por intentu de robu y recibió una sentencia de diez años en prisión. El so cómpliz, Steven Armento, foi declaráu culpable por disparar l'arma que mató al oficial.

Primeros años

Brancato nació en Bogotá, Colombia. A los cuatro meses de nacíu foi adoptáu polos ítalo-estauxunidenses Lillo Brancato Sr. (un arbañil) y Domenica (una electrólisista), y creció en Yonkers, Nueva York.^[3] A pesar la so ascendencia colombiana, el considérase un ítalo-estauxunidense.^[4] Brancato foi afayáu por un buscatalentos mientres nadaba en Jones Beach, ésti notó una paecencia con Robert De Niro. Brancato yera fanáticu de De Niro ya impresionó al buscatalentos con una imitación de Travis Bickle de Taxi Driver. Gracies a eso consiguió'l papel del fíu de De Niro en A Bronx Tale.^[5]

Carrera

Brancato participó en tres películes a mediaos de los años 1990, enantes de xunise al repartu de The Sopranos. En A Bronx Tale (1993) interpretó al personaxe principal, un mozu estremáu ente'l so padre y un xefe de la mafia. Tamién actuó xunto a Gregory Hines, Danny DeVito y Mark Wahlberg en Renaissance Man (1994). En 1995 apaeció nun curtiu papel en Crimson Tide, xunto a Denzel Washington y Gene Hackman.

Na segunda temporada de la serie The Sopranos, que HBO tresmitió nel añu 2000, Brancato interpretó a Matthew Bevilaqua, un mozu gánster acomuñáu cola asociación criminal de Tony Sopranu. Bevilaqua apaeció per primer vegada nel primer episodiu de la segunda temporada, "Guy Walks into a Psychiatrist's Office...", y apaeció en cinco episodios más. Brancato tamién interpretó a un gánster na serie Falcone, estrenada en 2000. En 2001 protagonizó xunto a Drea de Matteo la película 'R Xmas d'Abel Ferrara.

Referencies

↑ Afirmao en: Internet Movie Database. Identificador IMDb: nm0000969. Data de consulta: 21 xunetu 2015. Llingua de la obra o nome: inglés.
↑ «New York State Department of Correction Services». Archiváu dende l'orixinal, el 2008-04-20.
↑ «Lillo Brancato Biography (1976-)». Film Reference.com.
↑ Associated Press (10 d'avientu de 2005). Shooting suspect was once a rising star.
↑ Fishman, Steve (27 de febreru de 2006). «The Lost Sopranu». New York.

Enllaces esternos

Lillo Brancato na Internet Movie Database (n'inglés)

[160c295b25a927a67c1b56715388a85fef0d2502-1] Afirmao en: Internet Movie Database. Identificador IMDb: nm0000969. Data de consulta: 21 xunetu 2015. Llingua de la obra o nome: inglés.

[2] «New York State Department of Correction Services». Archiváu dende l'orixinal, el 2008-04-20.

[3] «Lillo Brancato Biography (1976-)». Film Reference.com.

[4] Associated Press (10 d'avientu de 2005). Shooting suspect was once a rising star.

[5] Fishman, Steve (27 de febreru de 2006). «The Lost Sopranu». New York.

[1]

[2]

[3]

[4]

[5]